Bagasin: Propesyonal ang mga sakop sa Armadong Kusog

Gipanghambog ni Lt. Gen. Jaime Bagasin, commanding general sa Central Command nga mga propesyonal ang iyang mga sakop sa tibuok Armed Forces of the Philippines bisan pa sa kagubot sa kauluhan.

Kini ang gipadayag ni Bagasin atubangan mismo ni Defense Sec. Avelino Cruz atol sa press conference nga gipahigayun kagahapon sa Centcom.

Matud pa ni Bagasin nga bisan dunay kasamok sa militar sa kauluhan, nagpabiling hilom ang iyang mga sakop sa Centsom.

"I think the Central Command personnel are the most professional in the entire Armed Forces," nagkanayun si Bagasin.

Gipasabot ni Bagasin nga wala silay nadungog o namatikdan nga kalihukan nga nagsuporta sa tinguhang pagdestabilisar sa gobyerno.

"We are very detached from what's going on in Manila in so far as destabilization is concerned" sumala pa ni Bagasin.