PNoy nag-ikot sa mga terminal

MANILA, Philippines - Ininspeksyon ni Pangulong Benigno Aquino III ngayong Martes ang iba't ibang terminal sa bansa upang masiguro ang kaligtasan ng mamamayan ngayong mahal na araw.

Unang tumungo ang Pangulo sa Manila North Harbor upang tignan ang kalagayan ng ticketing at check-in system sa lugar.

Binisita din ni Aquino kasama ang mga opisyal ng Philippine Coast Guard, Maritime Industry Authority at Philippine National Police ang X-ray facilities at pre-boarding area ng pantalan.

Iniutos din ng Pangulo sa mga opisyal na maglagay ng Tagalog translations ng mga signages sa lugar upang madaling maintindihan ng mga pasaherong magbabakasyon ngayong semana santa.

Matapos puntahan ang Manila North Harbor, tutungo ang Pangulo sa Ninoy Aquino International Airport upang inspeksyunin din.