ASEAN Summit “generally peaceful”
CEBU, Philippines - Malinawon ug walay mga krimen o insidente ang nakita sa kapolisan atol sa usa ka semana nga meeting sa mga delegado sa Association of Southeast Asian Nation (ASEAN) Summit.
Gipahibawo ni PCSupt. Noli Taliño, regional director sa Police Regional Office-7 nga walay untoward incidents ang ilang nakita tungod sa igong seguridad ang ilang gihatag sa ASEAN delegates.
“Very peaceful and orderly, successful ang ASEAN sa Cebu. Yun ang sinabi rin nung national organizing council (sa ASEAN),” tataw ni Taliño atol sa assessment sa ASEAN Summit sugod Abril 3 hangtud Abril 7.
Dugang niini, midayeg sab ang mga nagkalainlaing departamento nga nalambigit sa ASEAN Summit sa kapolisan tungod kay dili lalim ang ilang security coverage ug kinahanglan kini og koordinasyon gikan sa mga nagkadaiyang ahensiya sama sa Armed Forces of the Philippines, Bureau of Fire and Protection ug ilabi na ang medical responder ug traffic groups sa Dakbayan sa Sugbo, Mandaue ug Lapu-Lapu.
Nagkanayon sab si Taliño nga aduna pay ASEAN delegates ang nagpabilin ug mihapit og laag sa mga tourist spots. Ug bisan nga nahuman na ang maong kalihukan, mipasalig kini nga aduna gihapo’y mga police escort ang mga delegado nga nanuroy.
Kahinumduman nga kapin sa 5 mil ka security force ang gi-deploy sa kapolisan inubanan sa mga representante gikan sa 21 ka ahensya sama sa BFP ug AFP, usa ka adlaw sa wala pa nag-sugod ang ASEAN Summit. - /DILT) (BANAT NEWS)
- Latest
