3 pusher sa Lapu-lapu sikop sa buy-bust
CEBU, Philippines - Tulo ka gituohang drug pusher ang nasikop sa managlahing drug operations sa Lapu-Lapu City Police Office (LCPO).
Gipangulohan ni PCIns. Jaime Tolentino ang officer-in-charge sa City Intelligence Branch ug City Drug Enforcement Unit sa LCPO ang buy-bust operation sa Sitio Sta. Maria sa Brgy. Pusok pasado ala una sa hapon niadtong miaging adlaw.
Ilang nadakpan ang duha ka gikatahapang drug pusher nga sila si Cresjoe Ywaniwan Talisik alyas Ichan ug Junkim Barana Conde alyas Kimkim. Nasakmitan ang duha og 23 ka gagmay’ng pakete sa gituohang shabu ug P200 nga buy-bust money.
Samtang ang hepe sa Presinto 2 nga si PCIns. Wayne Magbanua nga nipahigayon og buy-bust sa Sitio Datag, Barangay Maribago, misikop kang Juvith Wagwag. Nakuhaan kini og walo ka gagmay’ng pakete sa gidudahang shabu ug duha ka medium size nga mitimbang og 1.8 gramos ug mokantidad og P21, 948. Lakip nga nakuha ang P200 nga buy-bust money gikan sa dinakpan. (BANAT NEWS)
- Latest