Pulse Asia: Leni frontrunner na
MANILA, Philippines – Nakuha na ni Liberal Party (LP) vice presidential candidate Leni Robredo ang unang puwesto sa ABS-CBN Pulse Asia survey ngayong papatapos na ang kampanya at limang araw na lang at eleksiyon na.
Sa survey na ginawa mula April 26-29 na may 4,000 respondents, nakakuha si Robredo ng 30 percent, mas mataas ng apat na porsiyento sa dati niyang rating sa April 19-24 survey. Bumaba si Sen. Ferdinand Marcos Jr. ng tatlong puntos patungong 28 percent. “We are grateful that we have finally topped the Pulse Asia survey with a few days to go before elections,” wika ni Robredo, na nanguna sa Visayas na may 42 percent at katabla sa Mindanao sina Marcos at Sen. Alan Peter Cayetano.
“Tuluy-tuloy lang po ang suporta para masiguro ang tunay na panalo sa ika-siyam ng Mayo,” dagdag pa ni Robredo. Ito ang unang pagkakataon na nanguna si Robredo sa Pulse Asia at Social Weather Stations (SWS) survey. Nakakuha si Robredo ng 26 percent para pangunahan ang SWS poll na ginawa mula April 18 hanggang 20 na may 1,800 respondents, isang puntos ang lamang kay Marcos Jr. Angat din si Robredo sa Bilang Pilipino April 13 at 14 SWS Mobile Survey Report at sa SWS post-debate mobile survey last April 17.
- Latest
