Pacquiao judge sa Ms. Universe?
CEBU, Philippines – Gawas sa paggukod sa ‘super fight’ batok ni Floyd Mayweather Jr., may laing atimanon si Pinoy boxing icon Manny Pacquiao sunod tuig nga mao ang pag-judge niya sa sunod nga Miss Universe Beauty Pageant.
Si Top Rank Inc. CEO Bob Arum nagkanayon nga gisabot na ang paghimo og hurado ni Pacquiao sa labing sikat nga beauty pageant sa kalibutan. “Pacquiao is back in action in January-as a judge-not of boxing, but beauty,” matud pa ni Arum.
Sa laing bahin, miingon kontento ra siya sa dul-an 400,000 nga pay-per-view sales nga halin sa miaging kadaugan ni Pacquiao batok ni Chris Algieri niadtong miaging buwan didto sa Macau.
Bisan og layo ra kini sa mga dagkung PPV records ni Pacquiao sa mga miagi, si Arum miisip gihapon niini nga malampuson tungod kay nakakuha usab og dakung fan base si Pacquiao didto sa China.
Si Pacquiao gihulagway ni Arum nga mutupong na karon og gisikaton ngadto sa China ni Chinese superstar Zou Shiming. (LPM gikan sa Philstar.com) (BANAT NEWS)
- Latest
