Mga karneng panghikay angay bantayan
CEBU, Philippines — Karon nga nagsingabot na ang Pasko , ang Provincial Veterinary Office nipahimangno sa mga konsumidor nga magbantay sa mga paliton nga karne alang unya sa himuong handa atol sa adlaw sa Pasko ug bisan hangtod sa Bag-ong Tuig.
Si Dr. Mary Rose Vincoy ang provincial veterinarian nagkanayon nga nahuman na sila og tigom uban ang tanang meat inspectors sa lalawigan sa Sugbo kon diin apil nga ilang gihisgotan ang enforcement sa pagsusi sa mga gibaligya nga karne sa kamerkadohan ug uban baligyaanan sa karne.
Matud niya kinahanglang adunay meat inspection certificate gikan sa meat inspectors sa lungsod ang mga baligyang karne.
Si Vincoy nagkanayon nga nakig- coordinate na sila karon sa mga lungsod pinaagi sa ilang mga local veterinary office aron pagsiguro nga ang tanang ipamaligyang karne limpyo ug luwas kan-on sa mga konsumidor. (BANAT NEWS)
- Latest
