Oplan Balik Eskwela gipangandaman sa PNP
CEBU, Philippines - Nangandam ang kapulisan sa Central Visayas sa pagbalik sa klase sa mga eskuylahan karong umaabot nga Hunyo 5.
Gimandoan ni Regional Director, Chief Superintendent Noli Taliño ang tanang kapulisan sa pagbutang ug mga pwersa sa mga eskuylahan, terminal og uban pa nga lugar diin magtapok ang mga estudyante.
“Ang concentration diyan ay of course yung places of convergence, ‘yung eskwelahan, meron tayong police presence sa lugar, lahat ng police office ay involved didto,” nagkanayon si Taliño.
Si City Police Director Senior Superintendent Joel Doria mipasalig nga hapsay ug malinawon ang pagsugod sa klase sunod semana.
“Cebu City will have a peaceful and orderly opening of classes on June 2017. The police station chiefs were also required to coordinate with school superintendents, as well as utilize force multipliers and barangay tanods,”matud pa ni Doria. Dugang pa ni Doria nimando na siya sa tanang police chiefs sa pag-ila sa tanang posibleng mahimong problema sa adlaw sa pagsud sa mga estudyante sa ilang taga-tagsa ka mga eskuylahan aron kini malikayan.
Malaumon siya nga gumikan sa panaghiusa sa mga eskuylahan ug opisyales sa barangay mapresentar ang mga plano sa CCPO “Oplan Balik Eskwela” sa dili pa magsugod ang klase.
Gikonsiderar nila, ang sugod sa ting-ulan nga mahimong puwerhisyo sa katawhan ug ang nagpabiling full-alert status tibuok Philippine National Police.
Giawhag pud niya ang katawhan nga magmabinantayon sa ilang palibot o i-report dayon kun duna silay makit-ang katingalahan o kadudahan pinaagi sa ilang hotline numbers nga 166 o 233-6975 o 0998-598-6273. (BANAT NEWS)
- Latest
