Pwede pahulaton ang kamatayon
May higala kong mestizo intsek nga si Towa nga nahimong sapian dili tungod sa kabilin sa ginikanan kun dili sa makaugtas nga pasingot sa paningkamot. Labihan ka-estrikto modisplina sa iyang pamilya, nga nakabaton og 3ka anak, pulos pamilyado nga tua na nanimuyo sa Canada ug sa Australia.
Matud pa ni Towa sayo siya nabiyudo dihang gihimugso ang ika-3 nga anak wa magdugay ang asawa niya namatay kini sa impeksyon kay nalaslasan ning naglisud sa pagpanganak. Sukad niadto gibuhos na niya ang tanang panahon nga maatiman ang mga anak. Nawala na sa isip niya ang pagminyo pag-usab kay nalinga sa mga anak kay kalipay niya kini nga maatiman sila.
Edaran na si Towa, dihang nanglalin ang mga anak sa Canada ug sa Australia nag-inusara nga naghandum sa hilabihang kamingaw kay kuli na makaduaw kaniya ang mga anak gumikan sa dili kabiyaan nga kaakohan. Mao na lay kauban niya ang dalagang doktora isip caretaker ni Towa, nga maayo sab moayuda ug motubag sa mga panginahanglan sa biyudo.
Apan dihang nalandig kini sa ospital gipahibalo ang mga anak sa kahimtang sa amahan nila. Dangtag pipila ka adlaw, didto na ang 3 ug ang 1 wa pa moabot kay masakiton man apan naninguhang makauli. Igo na lang sa paghinan-aw nga way tingog ang amahan.
Human sa pipila oras gipiyong ang dagway niini nga masulub-on, unya gideklarar nga legally dead ang brain ug ang nervous system apan buhi pa ang kasingkasing, busa gitauran ni'g clinical ventilator.
Dangtag 2ka bulan niabot ang gipaabot igo lang ni nakahunghong wa na moginhawa ang amahan. Taudtaud gideklarar na sab kini nga clinically death.
- Latest