^

Banat Opinyon

Bato natud-an, miaso

JAV BANATI - Javier Yntig Tapulado - Banat

Nakatutok ang milyonmilyong interesadong netizens niadtong gipahigayong April 30, 2024 Senate hearing bahin sa PDEA Leaks, diin sa pre-operations report, usa si Presidente Bongbong Marcos (PBBM) ang anaa sa listahan.

Atubangan sa Senate Committee on Public Order and Dangerous Drugs, nga gipangulohan ni Senadaor Ronald ‘Bato’ de la Rosa, gibarogan ni kanhi PDEA Agent Jonathan Morales, kinsa maoy mibuhat-pirma sa naasoyng report sa maong adlaw Marso 11, 2012 nga kini authentic.

Pero, gihimakak kini ni PDEA Director General Moro Virgilio M. Lazo, kinsa nagdala og upat ka testigos aron mosuporta sa iyang gipasiatab nga pulos peke kuno ang gialegar sa agent.

Sa wala pa ang adlaw sa hearing, pinaagi sa internet, natimbrihan na ni good-governance-vlogger Maharlika si Bato, nga may gipiit-hadlok na si Lazo nga mga taga PDEA aron mapugos pagtestigos batok kang Morales.

Mismo si Morales mipahayag nga hisabtan niya ang upat ka testigos, kinsa napugos lamang pagpirma’g affidavit batok niya, kay pulos nangahadlok mawad-an og pagkaon sa lamesa ilang pamilya kon supakon nila ang unsay gusto ni Lazo?

Tuod man, dihang gi-cross exam ni Bato ang mga testigos kun didto ba sila ug nakakita sa maong hitabo nga gisaysay sa ahente, sila mitubag: “Wala!” Usa ka kamatuoran nga sila namakak ug ang info gikan ni Maharlika lehitimo.

Pero inay paloapan og mas bug-at pang pangutana ni Bato aron magkapulikig sagang hangtod malukapa, giundangan hinuon.  Ug si Morales na hinuoy gipuntrariya-giingnan: “You must not jump into a conclusion.”

Namatikdang may pagka-bias si Bato. Kun si Morales ang mopahayag, ingon sa may pagduda siya. Pero kun si Lazo ang mosulti, mituo-salig siya niini. Dili ba isip imbestigador, dapat naa siya sa tunga pirme ug dili magpakitang dunay gipaboran?

Aw, giteksan si Bato ni Maharlika ug gipatuloag pangutana: “Senador Bato, nabayaran ka na ba ni Liza?” Diin, nakapaasog maayo ni Bato, nakapaulbo

sa iyang emosiyon ug nakaputol sa Senate hearing. Dihadiha, gimandaran niya ang in-charge nga sa sunod hearing, ipatawag-patambongon si Maharlika.

Mianig nag-alintabong pagsaway si Bato sa gipakita niyang kahuyang. Nganong dili man ang subject: PBBM maoy iyang ipatawag? Ang pait, sunodsunod ang mga mensahing gi-post sa social media: “No more Bato sa Senado.”

vuukle comment

PDEA

Philstar
x
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with