Duol sa barangay hall
CEBU, Philippines - Samtang usa ka lalaki ang gidakop ug nakuhaan og 67 ka putos sa gituohang shabu sa Purok Five Star, Babag, Dakbayan sa Lapu-Lapu sa niagi’ng Biyernes sa gabii.
Gitataw ni Police Senior Inspector Mark Gifter Sucalit, hepe sa Lapu-Lapu City Police Office-City Intelligence Branch, nga gidakop nila si Kim Berdon, 32, sa alas 10:50 sa gabii. Ang mga ginagmay’ng putos sa gidudahang shabu gibana-bana’ng mokantidad og P23, 718.
Si Berdon nadakpan sa kapolisan duol sa barangay hall sa dapit human sa negosasyon sa police decoy.
Laing nakuha gikan sa suspek ang P300 nga gituohang halin sa ilegal nga kalihukan, P200 nga buy-bust money ug mga drug paraphernalia.
Minor naghithit, nagsuyop
Sa laing bahin, nadakpan ang duha ka 17-anyos nga lalaki kinsa naaktuhan nga naghithit og marijuana sa Lamac, Consolacion.
Si Police Officer 1 Socrates Borinaga niingon nga ang mga barangay tanod kuyog ni konsehal Mario Dico ang nagpatrolya ug nasigpatan ang duha ka minor de edad nga naghithit og marijuana.
Sa Sitio Laray, Kawit, Medellin nadakpan sa kapolisan ang unom ka tawo nga naglakip sa usa ka 17-anyos.
Si Police Officer 1 Jerome Queddeng sa Medellin Police Station niila sa duha nga nadakpan nga sila si Jamuel Camento, 25; Allan Garbo, 29; Ruel Rodrigo, 18; Danilo Conchas, 47, ug ang 17-anyos nga pulos nagpuyo sa mao’ng dapit.
Dunay nakataho sa nagtapok nga mga lalaki sa payagpayag nga gipanag-iya sa usa ka Allan Gallardo kinsa dali nga nakasibat. (Bryner L. Diaz, Christell Fatima M. Tudtud ug Romeo T. Limpangog/GMR) (BANAT NEWS)
- Latest
