La Salle, Ateneo mag-uupakan
MANILA, Philippines — Pakay ng defending champion De La Salle University na duplikahin ang panalo sa pagharap nila sa Ateneo de Manila University sa UAAP Season 89 men’s basketball tournament sa Mall of Asia Arena sa Pasay City.
Magtutuos ang La Salle at Ateneo ngayong alas-5:30 ng hapon matapos ang gitgitan ng Adamson University at National University sa alas-2:30 ng hapon.
Bumalik ang kumpiyansa ng Green Archers nang tambakan nila ang University of the East Red Warriors, 112-87, noong Linggo.
Tumikada si Mason Amos ng 19 points mula sa 7-of-9 field goal shooting kasama ang limang rebounds, apat na assists at dalawang blocks para sa panalo ng DLSU kontra sa UE at kalsuhan ang two-game losing skid.
“We came from back-to-back losses; those are big losses for us, but I guess it’s just more on focusing on our own race, making sure we’re just gonna focus on ourselves,” sabi ni La Salle head coach Topex Robinson
Tangan ng La Salle ang 2-2 karta at nakasiksik sa four-way tie sa No. 4 spot kasalo ang NU, University of the Philippines at University of Sto. Tomas.
Nasa tuktok ang Ateneo kasama ang Far Esatern University na may parehong 3-1 record.
Paniguradong magiging mahigpit ang labanan dahil pareho ang nasa isip ng Green Archers at Blue Eagles ang masilo ang panalo.
- Latest
