Sa among pagpamista

Kining maong lugara sitio sa Barangay Arpili. Kining maong sityo medyo layo layo kay adto man namo giagi sa Matabag- ang Toledo City.

Daghang mga sapa ang giagian sa among sakyanan. Dunay dapit nga among gilakaw.

Medyo kutas apan refreshing tungod kay niubog gyud mi sa sapa. Bugnaw ang tubig.

Maayo ra sab ang mga katawhan.mao nga kadtong lugara angayang adtoon nga walay laing schedule aron sa ingon dili kita magdali dali.

Apan hinuon ingon ana man gyud ang Parokya. Dunay mga higayon nga ma busy duna say panahon nga dili.

Ang mahinungdanon nagtuman kita sa tulumanon nga gisangon kanato.

Ang maong panaw nipahinumdom Kanako ang kinabuhi sa pagtuo dunay sayon dunay lisud.

Apan ang kalisud mamahimong gaan kun makita nimo ang rason sa mga butang nga imong pagahimoon.

Dili kini mahitungod sa mga butang nga makuha kondili mahitungod kini sa mga butang nga mahatag o atong matampo alang sa katilingban.ang matag singot nga nahulog usa man ka grasya nga nitunaw sa mga tambok ug toxic sa matag lawas nga naglakaw niadtong panahona.

Alang Kanako, usa kadto ka kasinatian sa grasya. Bisan pa man kun daghan og mga bato ang dalan padulong sa lukob sa kaluoy sa Dios ug sa tabang sa akong sungkod ako nakalingkawas sa mga bukol kun ugaling nahilukapa pa sa maong panaw.