Andres, humusay sa Bagets

Closing weekend na ng Bagets The Musical.

At isa sa hindi malilimutang character dito ay si Adie, si Aga Muhlach sa original na Bagets movie, na ginampanan ni Andres Muhlach at Mico Chua sa musical version nito.

Malaki ang inimprub ni Andres sa pagtatapos nito ngayong March.

Nagsimulang mapanood ang Bagets The Musical last January.

At kahit may ilang negatibo ang pagtanggap sa kanyang acting theater debut hindi makikita na may epekto ito sa binata nina Aga Muhlach at Charlene Gonzalez.

Sa kabila ng mga pagkukumpara, hindi nag-alala si Andres dahil may sarili aniya siyang dahilan para sumagot ng “oo” sa proyekto, sabi niya sa interview ng L’Officiel Hommes.

“It really stems from the idea or the fact that I wanted to improve my craft. Bago pa rin ako sa industry and I’m still learning things as I go… if I get it done and get through it, then I’ll learn a lot more. It was really for self-improvement,” banggit niya sa interview na ‘yun ng L’Officiel Hommes.

Balikan ang hugot, barkada feels, kilig, at pure good vibes sa Bagets the Musical sa Newport Performing Arts Theater, Pasay City, na hanggang sa weekend na lang.