Giingnan og baga’g nawong

CEBU, Philippines — Emma puwerting lagota sa gisulti sa waiter Naimbyerna ang  beauty queen nga si Emma Tiglao sa usa ka waiter nga giingong dili maayo motratar og kustomer.

Pagkahuman niya og kaon sa usa ka restaurant  kauban ang iyang pamilya sa niaging adlaw,  nihangyo  siya sa waiter nga ipaputos ang uban nila nga mga pagkaon.

Wala mahimout si Emma sa  nadunggan niya nga pulong gikan sa waiter nga nagkanayon,“ Ang kapal ng mukha”.

Suma pa sa beauty queen, usa usab siya ka negosyante busa nasayod siya kun unsa ka  importante ang maayong pamatasan sa iyang mga tawo.

“As a business owner myself, we always remind our team that no matter how busy or stressful the day gets, we must always treat customers with kindness and professionalism, “saysay pa ni Emma.

Nangayo na hinoun og pasaylo ngadto kang Emma ang assistant manager sa kan-anan kalabot sa gibuhat sa waiter.

Sa statement nga giisyu sa restaurant, gipasalig niini nga aksyonan ang dili maayong gibuhat sa waiter.

FranSeth subling magpares  sa pelikula

Mobalik sa  big screen ang tandem nga  FranSeth pinaagi sa ilang bag-ong pelikula nga “She Who Must Not Be Named”. Ang pelikula nga pagabidahan nila Francine Diaz ug Seth Fedelin  maoy nagtimaan sa ilang movie comeback nga dugay nang gipaabot sa ilang fans.Gipakita  na usab sa Solar Studios Inc. ang opisyal nga teaser sa maong pelikula, nga naghatag og preview  sa misteryosong istorya niini. - Sanden J. Anadia

Mikoy ug Isa nagpakasal na

Nagpakasal na ang  Kapuso actor nga si Mikoy Morales ug ang iyang  non-showbiz  partner nga si Isa Garcia niadtong Sabado, Marso 14, didto sa  St. John Bosco Parish sa Makati City. Ang Kapuso actress ug  best friend ni Mikoy nga si Mikee Quintos ang nagsilbing Best Woman. Nitambong pud sa maong okasyon sila   Chariz Solomon, Juancho Triviño, Paolo Contis, Jeric Gonzales, Jake Vargas ug  Inah De Belen.

Gibastos  

Nakasinati og pagbinastos   ang sexy actress  nga si Angelica Cervantes. Suma pa ni Angelica nga bisan usa siya ka  VMX star, wala nagpasabot nga mahimo na siya nga  bastoson. Mapasalamaton siya sa VMX nga giprotektahan gyud siya niini.

Geneva migradwar na sa kolehiyo

Dili pa ulahi ang tanan, ug wala nagbase sa edad ang pagkab-ot sa kalamposan. Kini maoy maoy sitwasyon  ni Geneva Cruz kinsa bag-ohay lang nigradwar sa kolehiyo partikular na sa kursong  Bachelor of Science in Office Administration.

"As I approach my golden age in less than a month, I realize that some of my dreams are still coming true. Thirty-three years in the making, but I finally did it! Look, ma, I’m now a college graduate!!!‍” ni Geneva pa.