Bag-ong boyfriend ni Maymay

CEBU, Philippines — Gipahibalo ni Maymay Entrata nga duna siya'y bag-ong boyfriend ug kini mao ang  Filipino-American commercial model nga si  Joaquin Enriquez. Base sa iyang Instagram post, gitawag niya ang maong lalaki nga   "my lover." Kahinumdoman nga sa niaging tuig, gikumpirmar ni Maymay ang breakup nila sa iyang non-showbiz boyfriend nga si Aaron Haskell nga gipaila niya sa publiko niadtong 2022.

Unang host sa Filipino Music Awards

Si Michael Sager maoy host  sa labing una nga Filipino Music Awards nga mahitabo karong gabii sa Mall of Asia Arena.Pipila sa mo-perform sa maong kalihokan mao ang  Ben&Ben,  Gloc-9, Maki ug uban pa,

Ultimate Dance Star Duo

Sila Rodjun Cruz ug  Dasuri Choi  maoy mananaog o Ultimate Dance Star Duo sa programang  “Stars on the Floor!” sa GMA Network . Human sa pipila ka semana nga panagtigi sa dance floor  , nalangkat na gyud nila Rodjun ug Dasuri  ang  top prize nga  P1 million.“Still can’t believe we got the trophy. This performance will always hold a special place in my heart.Every move, every emotion, every beat.. we poured our souls into it,” suma pa ni Dasuri .

"Amazing boyfriend"

Gitawag ni  Jericho Rosales ang iyang  kaugalingon  nga suwerte  human nakabaton og girlfriend nga supportive kaayo .

Na-feel matud pa niya ang gugma nga gikan sa iyang girlfriend nga si Janjne Guttierrez .

Gitawag ni Echo ang iyang kaugalingon nga "amazing boyfriend " .

"I think right now, I’m pouring all of the lessons into this relationship. Janine is the recipient of my humility, my honesty, and my excitement for sharing great things together," saysay pa ni Echo atol sa guesting niini sa Fast Talk with Boy Abunda..   

Grupo nga "yes my love", dunay   version sa “don romantiko”

Gipakilig na usab og balik sa  P-pop boy group nga Yes My Love ang ilang fans pinaagi  sa ilang bag-ong version sa  OPM classic song nga “Don Romantiko.”

Una kining gi-awit ni Vhong Navarro, nga naghisgot  kabahin sa pagtoo sa matinud-anong gugma kaysa materyal nga butang. Kini usab ang unang single sa grupo ubos sa Star Music.

Ang maong awit  kay gisulat ni Christian Martinez, samtang si Jeremy G ang nagbuhat sa music production alang  sa remake niini.

Ang Yes My Love kay gilangkuban nila Niko, RZ, Joshua, Brian, ug Jeff, nga nagsugod  niadtong 2023. Una nilang gi-release ang kantang “Rhythm”, nga nakalangkat og kapin 300,000 ka streams ug nalakip sa Spotify P-pop On The Rise playlist.

Kahinumdoman nga sa niaging  tuig, nagpagawas sab sila og EP nga “You, Me, & Love” nga naglakip sa kanta nga “Laging Naroon Ka” ug  nakabaton kini og 1.8 million  streams sa Spotify.

Madungog  na ang ilang version sa “Don Romantiko” sa nagkalain-laing streaming platforms.

Sarah nadamay sa away nila Chie ug Sofia

Nadamay na ang pangalan ni  Sarah Lahbati sa gikatahong away nila  Chie Filomeno ug Sofia Andres.

Suma pa ni Chie nga gigamit matud pa ni Sofia  si Sarah aron limpyohon ang pangalan niini sa isyu.

“I hope you truly find happiness because clearly you are not happy with the life you have,” mensahe pa ni Chie ngadto kang Sofia .

Gikatahong gi-unfollow na ni Sarah si Sofia sa Instagram .

Una na nga gibutyag ni  Chie nga dunay  tawo nga nitug-an kaniya  nga namayad matud pa si Sofia  aron daoton siya sa social media .

“You post and act differently online but say and do completely different things behind it," ni Chie pa.

Sa pagsulat niining balitaa. , wala pa mohatag og komento si Sofia sa pasabog ni Chie .

Emma todo pasalamat sa iyang supporters

Gipadangat ni Miss Grand International 2025 Emma Mary Tiglao ang kinasingkasing niya nga pagpasalamat ngadto sa iyang supporters nga dako gyud og papel sa nakab-ot niya nga kalamposan sa natad sa indigay.

Nakita gyud ni Emma ang panaghiusa sa mga Pinoy sa pagpakita og suporta ngadto kaniya .

"To my beloved fellow Filipinos — this journey became our story because of you. Your '1 million heart reacts' were more than just likes; they were symbols of bayanihan, of unity, of love that echoed across the world. You showed everyone what it truly means to stand as one nation, one heart, and one voice. From the very beginning until this moment, you held my hand through every step, every challenge, and every triumph. For that, my heart beats with gratitude," social media post sa beauty queen .

Samtang ang higala niya nga si Michelle Dee kay nikomento og   “You did it, Queen!"