Gikan sa Western Cebu
CEBU, Philippines — Bag-ong Henerasyon sa Musika
Nahimugso sa mga hilom ug malinawon nga lugar sa Western Cebu ang mga batan-ong musikero nga puno sa potensyal ug emosyon.
Si Drey Requiso nga taga Tuburan, usa ka 24-anyos nga tinun-an sa Cebu Technological University – Tuburan campus, nipalanog sa iyang unang kanta nga “Higayon”, usa ka love song .
Ang kanta gisulat ni Drey samtang naglingkod sa simbahan atol sa choir practice. Tungod sa iyang kasagmuyo sa usa ka chord pattern, iyang gi-channel ang iyang gibati ngadto sa pagsulat sa “Higayon”, nga karon nikulit na og kapin sa 12,000 ka streams sa Spotify sukad kini gi-release niadtong Hulyo.
Misunod dayon ang bag-ong awit nga “Paraluman” kauban ang iyang banda .
Samtang sa Lungsod sa Pinamungajan, misulbong usab ang laing batan-ong musikero, si Andrei Labang, 18 anyos. Gi-release niya ang iyang debut single nga “Kayamanan”, nga nakasulod dayon sa Spotify Fresh Finds playlist, .
Ang “Kayamanan” kay kombinasyon sa folk, pop, ug hilabihan ka hilom nga emosyon ug kabahin kini sa gugmang nagsugod ubos sa anino sa pagbulag.
Samtang nagtungha sa CATS Aero College sa Cebu City, gibalanse ni Andrei ang iyang gugma sa musika ug ang interes sa aviation. Ang sunod niya nga single nga “Sandal” kay i-release karong November .
- Latest
