Higalang tinud-anay

CEBU, Philippines — Gibutyag  ni  Bela Padilla nga gihatagan gyud niya og gibug-aton ang panaghigalaay nila ni Kim Chiu kinsa gikonsiderar niya nga usa sa iyang mga tinubdan sa iyang kusog. Suma pa niya nga dali ra gyud sila magkasinabot sa aktres ug susama sila niini nga natawo niadtong 1990. “For those who don’t know, Kim and I are born a few days apart. And we’re so alike in many, many ways. And since 2017, she has been such a great source of laughter and strength for me!” ,” Instagram post ni Bela.

Gilinog ang bakasyog

Dili gyud mahulagway ni  Jhong Hilario ang gibati niya nga kahadlok sa dihang giigo sa magnitude 7.5 nga linog ang Japan sa niaging adlaw. Naatol kini nga nibakasyon si Jhong sa maong nasud kauban ang iyang partner nga si Maia Leviste Azores ug ang anak nila nga si  Sarina Oceania Hilario . “Nasa 22nd floor kami kaya ramdam na ramdam namin and talagang nakita namin 'yung umuga 'yung buong building. Nakuhanan ko din ng video 'yung pag-uga makikita mo doon sa video na gusto talaga bumaba ni Maia," saysay pa ni Jhong ngadto sa ABS-CBN News.

Isyu sa kuwarta

Minilyon  nga kuwarta  ang giingong nakuha ni Raymart Santiago ngadto kang Claudine sa panahon nga wala pa naputol ang ilang relasyon,. Mao kini ang rebelasyon ni Claudine sa dihang nilugwa siya sa   vlog ni Luis Manzano ."Kukunin ko na ulit kung ano yung akin. We're talking about hundreds of millions na. Ang iniwan sa akin was 25,000 pesos. Sa isang bangko pa lang was, like, PHP116 million,” saysay pa sa aktres.

Rekord ni Elvis  nalabwan ni Taylor

Nikulit na pud og dugang rekord ang singer nga si  Taylor Swift ug nalabwan gyud niya si Elvis Presley isip  solo artist nga dunay labing daghan nga mga  semana nga nag-numero uno sa Billboard 200 Chart.

Niabot og  68 ka mga semana nga nag –una si  Taylor alang sa siyam niya nga albums, ug laing upa ka  re-recorded albums.

Nalabwan ni  Taylor ang rekord  ni Elvis nga dunay  67  ka mga semana nga nag-numero uno  kaniadto sa  Billboard 200.