Yassi at Gov, naglantad na
Hinintay pa talaga ni Yassi Pressman ang New Year bago nilantad sa social media ang relasyon nila ng pulitikong si Luigi Villafuerte, Governor of Camarines Sur.
Sa Vietnam sila nag-Bagong Taon.
At sa post ng actress excited na siya ngayong 2024.
“Last year was such a rollercoaster, but the ride, be it scary sometimes, will always be fun.
“so excited for 2024, to all your highs and lows, stops and go-sss, laughs and cries (hopefully more for joy tho) and for the opportunity for us to breathe more, share more, learn more, give more, live more & love more.
“first day of the year in a place I’ve never been before, here’s to new life discoveries,” aniya sa caption na ang background ay wood carving na may nakasulat na ‘From Hoi An with Love.’
Ilang buwan na ring sinasabing on na sila ng pulitiko pero nabanggit niya sa interview ni tito Boy Abunda na ayaw niya munang bigyan ng label ang kanilang relasyon.
August lang of 2023 nang aminin ng actress na wala na sila ng negosyanteng si Jon Semira. Pagkatapos nu’n ay marami na ang kumalat na sighting nila ng pulitiko.
Samantala, disabled ang comment section ni Bianca Manalo sa kanyang New Year post.
“Just in time for the NYE countdown in Las Vegas!!! Hello 2024!!!” aniya sa isang reel na ipinakita ang hotel room nila ng senador at kung paano nila sinalubong ang bagong taon sa Amerika.
Kaya walang makatambay na bashers.
Mukha ngang hindi naman nakaapekto si Rob Gomez sa relasyon nina Bianca at Sen. Win Gatchalian.
- Latest
