"Love Story Ko"  ni Gloc-9  gi-revive ni Fana

CEBU, Philippines — Gipalanog na sa OPM singer  nga si Fana ang iyang  latest single  nga "Love Story Ko" nga orihinal nga giawit  sa rapper nga si  Gloc-9.

Ubos kini sa  Inspire Music ug madungog na sa nagkalaing-laing  music streaming platforms, samtang ang lyrics video niini kay makita sa  official YouTube channel sa Star Music.

Tinagik kini nila ni  A. Polisco ug  Christian Martinez, samtang gi-produce kini ni  Jamie Rivera nga maoy nangulo sa  Inspire Music.

Nagpasalamat si Fana sa  nindot nga opportunidad  nga gihatag ni Jamie kaniya .

Kahinumdoman nga nailhan siya sa publiko human siya nisalmot kaniadto sa  "The Voice Teens" season 1  niadtong  2017 ubos sa  team  ni Sarah Geronimo .

Nahimo usab siya nga  finalist  sa  "Idol Philippines niadtong 2019. Ang iyang debut single nga  “Tawa-Tawa” kay gilusad sa  Star Music niadtong  2021.

Buboy emosyonal basta hisgotan ang mga anak

Dili gyud malikayan ni  Buboy Villar nga mahimong  emosyonal basta hisgotan ang mga anak  nila sa kanhi niya hinigugma nga  si Angillyn Gorrens.

Sa programang  “Fast Talk with Boy Abunda”, gibutyag ni  Buboy nga ang pagrespeto ang gustong mahinumdoman kaniya  sa iyang  mga anak nga sila si  Vlanz Karollyn ug  George Michael.

“‘Wag na ‘wag nila kakalimutan ‘yung salitang respeto. Hanggang sa tumanda sila, respeto, ang kasunod no’n ay trust, at ang sumunod ay love,” suma pa sa aktor..

Kahinumdoman nga nagbuwag  sila si Buboy ug  Angillyn niadtong  2020 apan nagpabilin ang ilang panahigalaay  alang sa kaayohan sa ilang mga anak.