Piloto ang boyfriend

Giangkon ni  Thea Tolentino nga duna siya'y non-showbiz boyfriend ug usa kini ka piloto. Aminado ang aktres nga nag-agi og daghang pagsulay ang ilang releasyon.

“Ang daming challenges po actually kasi ‘pag non-showbiz, na-experience ko, hindi nila alam ‘yung environment natin. Sa atin kasi, ang dami nating kaibigan, mapa-bata or mas nakatatanda sa atin, iba’t ibang age nakakasalamuha natin,” saysay pa sa  aktres atol sa paglugwa niini sa  “Fast Talk with Boy Abunda”.- SJA

Kapamilya ug Kapuso Executives nagtapok sa  “It’s Showtime”

Nipatigbabaw ang positive vibes sa  “It’s Showtime” gumikan sa  surpresang pagbisita sa  ABS-CBN ug GMA executives sa maong programa  sa niaging adlaw.

Nakig-uban sa  “It’s Showtime” family sila si ABS-CBN COO for broadcast Cory Vidanes ug GMA senior vice president for programming, talent management, worldwide,  support group Annette Gozon-Valdez. Wala usab nila sipyata ang pagsiyagit sa linya  nga  “What’s up Madlang people” ug “What’s up Madlang Kapuso.”

Kauban nila ni Vidanes ug Valdez  sila si  ABS-CBN head of non-scripted formats TV production Lui Andrada, Sparkle GMA Artist Center vice president Joy Marcelo, Sparkle senior talent manager Tracy Garcia, Janna Revilla, ug Carmina Cruz.  -Sanden J. Anadia

Miss Argao 2023 ...

Nagmalampuson ang koronasyon sa  Miss Argao 2023 sa niaging gabii. Ang mga mananaog mao sila si  (L-R) Mayell Mamalias (3rd runner-up), Casey Languido (1st runner-up), Rebecca Anne Dollisen (Ms. Argao 2023),Kate Remoroza (2nd runner-up) ug Cindy Naparota (4th runner-up) -Hulagway gikan sa Miss  Argao FB Page

Basketball exhibition game sa Bebe boys

Usa ka basketball game nga langkoban sa mga modelo, Tiktokers ug influencers  ang mahitabo karong karong Oktubre 14, 2023 diha sa Cebu City Sports Institute diha sa Sawang Calero.

Ang mga modula nga ubos sa Team MotobikesPH   mao sila si ABS-CBN Singing Bebe Boy - Grand Champion Yad Robal Jayme, Axiel Binoya, Scottie Lagare, Justine Timagos, Ryan Llascuna, Basketball Varsities Andrew Mumar, Kian Taburnal, MJ Tigs, ug Elijah Lastimosa.

Makatigi nila ang Team Steelart Billboard  nga gilangkoban nila ni JF Model Aris Paul Aves, DepEd Ambassador Zack Dipay, Don Serwin Rosal, Luigi Miguel, Zymon Daguplo, Jhuniel Borces, Xander Lagrosas, Robell Bayno, ug  Moises Manalili.

Ang maong kalihokan kay giumol isip paghatag og suporta sa gipili nila nga institusyon nga nag-abag sa sektor  nga nanginahanglan og tabang. Lakip sa nagpasiugda niini mao ang TROPANG O.G sa Dakbayan sa Sugbo nga gipangulohan ni  Axiel Quinoja Binoya inubanan sa pag-abag sa  Steelart Billboard ug Dr. RMU Aesthetic Clinic. - SJA

Sarah nayayay

Giuswag ang konsyerto ni Sarah Geronimo didto sa Pampanga gumikan  sa kondisyon sa panglawas niini . Gikan sa Oktubre 1, giusab na ngadto sa Oktubre 29 ang konsyerto niya sa maong dapit. Ang panglawas sa singer maoy prayoridad sa mga tagdumala sa konsyerto.

Nakalangkat og nominasyon

Nominado si  Donnalyn Bartolome alang sa   Best Content Creator award sa 2023 Septimius Awards. Nilarga si Donnalyn sa  Amsterdam, Netherlands aron motambong sa awarding ceremony.Gipasigarbo niya ang maong nominasyon ilabi  na nga dili basta-basta ang makatigi niya sa maong kategoriya ug kini sama nila ni BB Ki Vines (Bhuvan Bam), Aan & Matig, Mark Angel Comedy, Itchy Boots, Silo Entertainment, A Chick Called Albert, ug NikkiTutorials.

Pinay naka-puwesto sa AGT

Ang Filipino-American magician nga si Anna de Guzman  maoy  nakalangkat sa ikaduhang puwesto sa  latest season sa  America's Got Talent."I believe in her magic. That was amazing. I was so excited. I'm so proud that you're here," komento sa usa mga hurado nga si Sofia Vergara. -Sanden J. Anadia

TikTok gikalingawan sa DongYan

Todo suporta si Dingdong Dantes sa TikTok videos sa iyang asawa nga si Marian Rivera, gani molugwa siya usahay niini.

Malipayon si Dingdong nga magsud-ong sa iyang asawa nga nalingaw og maayo sa gipangbuhat niini.

“Sobrang hilig niya talaga ‘yung pagsasayaw magmula noon, and I’m just really very happy to see her doing these things that she really likes,” saysay pa ni Dingdong ngadto sa GMA News.

Nikisaw ang videos ni Marian ilabi na sa  “Price Tag” challenge, nga gisundan sa "It's Plenty” .