Dina ug Alma, best in tsika!

CEBU, Philippines — Hapsay matud pa ang panag-uban nila ni Alma Moreno ug Dina Bonnevie sa set sa ilang sitcom nga Kalye Kweens nga magsugod na sa TV5 ugma puhon. Matud ni Dina, tsika lang sila ng tsika ug gitandi nila ilang mga kasinatian sa ilang mga karelasyon kaniadto nga mga komedyante. Si Dina ngadto kang Vic Sotto ug si Alma ngadto kanila ni Joey Marquez ug anhing Dolphy. Suma ni Dina, managsama sila og nasinati ni Alma--dili mga komedyante ang mga nahisgutan kun naa sa ilang balay. Mas sila pa hinuon maoy kalog.

Kaila Sila

Giklaro ni Alma Moreno nga ulitawo ang amahan sa anak ni Winwyn Marquez sukwahi sa intriga nga maong wala kini ipaila sa aktres/beauty queen sa publiko sanglit minyo kini. Apan matud ni Alma, kaila sila ni Joey Marquez sa partner ni Winwyn. Bata pa lamang, managhigala na matud pa ang duruha. Suma ni Alma, kinsa may sitcom nga giulohan og Kalye Kweens sa TV5, unang namalay ang lalaki didto sa kanhi niya bana nga si Joey. Pagmabdos na ni Wynwyn didto na pud nangatubang niya. Niingon si Alma, dili ipaila sa publiko ang pamanhunon ni Winwyn gumikan kay confidential ang trabaho niini.

Serye ni Hipon, sugdan na

Si Benjamin Alvez ang usa sa duha ka leading men ni Herlene Nicole "Hipon Girl" Budol sa umaabot niya nga afternoon series sa GMA7. Ang ikaduha, gipaaprobahan pa sa network management. Suma pa, kinanghanglan nga sikat sab gyud ang mapares ni Herlene aron makatabang sa show. Kinahanglan taas sab aron haom silang tan-awon. Sugdan na sa dili madugay ang taping sa maong serye sanglit mulupad si Herlene paingon sa Uganda sa tapos sa Oktubre alang sa iyang salmutan nga international pageant.

Pauleen, assistant ni Vic

Nalingaw si Pauleen Luna sa iyang role likod sa camera ngadto sa iyang bana nga si Vic Sotto ug anak nga si Tali. Tsika niya nga kay work from home pa ilang set-up, siya maoy scriptwriter, make up artist, cameraman ug coordinator ni Vic Sotto sa Eat Bulaga. Acting coach sab siya ni Tali sa ilang family sitcom nga Love, Bosleng and Tali sa Net25. Matud ni Pauleen buhaton gyud niya ang tanan alang sa iyang pamilya sanglit mao pud ni nakita niya sa iyang inahan kaniadto nga niundang og trabaho aron lamang kuyogan siya kada adlaw pagsulod na niya sa showbiz sa edad nga 13 years old.

Saad ni Darren

Emosyonal nga gisaad ni Darren Espanto sa iyang mga ginikanan nga padayon siyang magbuhat og maayo nga ikapasigarbo sa iyang amahan ug inahan. Sa iyang pagguest sa Magandang Buhay sa nilabay nga adlaw, nihilak si Darren nga niangkon nga aduna gyuy mga panahon nga magkasumpaki sila sa iyang mga ginikanan nga sila si Lyndon ug Marinel kinsa tua nagbase sa Canada isip mga nurse. "Hinding-hindi ko kayo gustong bastusin, ever. Siguro may mga times lang na may gusto akong gawin para sa sarili ko…Pero siyempre, as a parent, hindi niyo matatanggal sa magulang natin yung mag-alala or…Hindi niyo matatanggal iyon, lalo na sa mga ina, sa mga momshies. Iba yung pag-worry nila sa atin.I just promise to try my best to always make you guys proud and not be a disappointment," ni Darren pa.

Happy pud si Juday

Puno sa pagmahal ang mensahe ni Judy Ann Santos para kang Angelica Panganiban kinsa bag-ohay lamang nanganak ug iyang gibisita.  "Ang sarap mong panoorin ..pagmasdan at pakinggan.. dahil alam kong ito talaga ang matagal mong hinintay at ipinagdasal.. deserve na deserve mo dahil handang handa ka na.. binuo ka at pinagtibay ng Panginoon dahil may tamang tao talaga na ibibigay sayo.. yung aalagaan ka at mamahalin ka ng buong buo,"ni Juday pa sa iyang IG post. Nagkasuod ang duruha human sila nagkatrabaho sa Star Cinema movie kaniadto nga Dalawang Mrs. Reyes. Dugang ni Juday,  "Napakasaya ko para sayo sweetheart.. alam na ah.. pag gusto nyo mag date.. bukas na bukas ang bahay namin para kay Bean.. ay kasama pala kayo. andito lagi ang pamilya agoncillo para sa pamilya homan. Mahal na mahal namin kayo."

Happy Lang

Nangambot si Korina Sanchez kabahin sa tsika nga nagbuwag na sila si Heart Evangelista ug Senator Chiz Escudero. Suma pa niya, wala siyay kasayuran sanglit dili gyud siya intrigera. Suma pa niya, ganahan matud pa siya og positibo lang ang tanan, busa kun ugaling mo uyon ang mga nahisgutan nga mo-guest sa iyang bag-ong show nga Korina Interviews sa Net 25, okay ra pud nga dili hisgutan ang maong isyu. Kun buot matud pa sa magtiayon nga magpabiling pribado ang mga detalye nga dili nila buot hisgutan, respetuhon matud pa niya kini. "Napakarami nang bagay malungkot sa mundo, ayoko nang dumagdag dun. Gusto ko masaya, parang ipagpapalala ka lalo, ano?"