Engaged!

Engaged na gyud sila si Jessy Mendiola ug Luis Manzano. Mao kini ang rebelasyon human sa “12-12-20” teaser video nga una nilang gi-upload sa tagsa-tagsa nil aka IG accounts niadtong Huwebes. Didto sa Amanpulo, Palawan nahitabo ang engagement atol sa birthday celebration ni Jessy didto sa nilabay nga semana.

Magpa macho

Nagpa muscle na si Joshua Garcia isip pangandam alang sa iyang role nga boksidor sa Pinoy adaptation sa Korean movie “Keys to the Heart,” nga sugdan na gyud matud pa paggama sunod tuig. Makauban ni Joshua niining maong pelikula sila si Charo Santos Concio, Zaijan Jaranilla ug bag-ong artista nga si Daniela Stranner. Excited siya nga makatrabaho si Concio sa labing unang higayon ug maningkamot gyud siya nga dili mamahimong labad sa ulo atoll sa shooting puhon sa direksyon ni Dan Villegas.

Moatras unta

Moback-out unta diay ang award-winning actor nga si John Arcilla sa pagbida sa Suarez: The Healing Priest, nga Metro Manila Film Festival entry sa Saranggola Media. Kini gumikan sa kontrobersiya nga giatubang ni Fr. Fernando Suarez sa nilabay nga tuig. Apan dihang nitan-aw siya sa mga video niini, nibilib siya sa ka maayo manabi sa pari busa nakig-istorya siya niini sa personal apan wala niya hisgoti ang kontrobersiya. Nakahukom siya nga mopadayon sa maong pelikula sanglit nabatyagan niya nga matinud-anon si Suarez. Ug tuod man, niadtong Enero, gibasura ang reklamong child molestation batok kang Suarez ug nalimpyohan ang ngalan sa pari.