Nadine nagpatagad lang?

Sanden: Maayong adlaw mga Kabanatanay. Naa na kita sa buwan sa Nobiyembre, pagkadali ra gyud sa dagan sa panahon, sama kadali sa pagkawala niya sa akong kasing-kasing, awww kulbaan. Ari na kita sa atong hisgotanan karong adlawa. Nabahin ang reaksyon sa publiko human nikatap ang sexy photos ni Nadine Lustre. Matud pa sa uban nga walay problema sa hulagway ug nagduda sila nga basin duna kini koneksyon sa umaabot nga proyekto sa aktres sunod tuig. Apan ang mga kritiko ni Nadine nilenggua nga nagpatagad lang ang aktres gumikan kay laos na kini. Una sa tanan, dako na si Nadine ug hagbay na siya nga nibiya sa iyang wholesome image. Dili man pud law-ay tan-awon ang hulagway uy.

Yuri: Helllloooo! Mga KaBANATanay. Sure ko  nga naay nag-status sa FB account nila nga be good to me November, pwes karon nga karon pa lang, derecho dayon kita sa atong topic about sa iyang sexy pictorial. Yes, it looks good for Nadine sa iyang sexy photos, after all she’s in the right age, bagay niya ug labaw sa tanan its shows nga andam na siya sa mga bug-at nga roles and goodbye pa tweetums effect. Sa mga wala nakadawat diha, paglanlan mo og kape para makamata mo sa kamatuoran nga there’s no such thing as constant in this world but change. Again, kun wala mo kadawat panguli mo sa bukid, pananom mo og ampalaya!

Jaypee: Olah mga Kabanatay! Maayong adlaw’ng Martes! Dili na ta maglangay langay pa kay nagpanikad na pod ko sa atung hisgutanan.  Sa akong tan-aw no ,  nagpatagad ra na si Nadine.   Baba kay ka Yuri no, magsubak pa ka og lukay. Dili nako feel maglanlan og kape, kay paet kaayo na.   Remember, sa nakalabay’ng buwan, buto kaayo ang tandem nilang James Reid ug Nancy sa Momoland alang sa umaabot nga teleserye sa ABS-CBN. Ug siya, sa iyang bahin aron dili siya maulahi sa  panahon, nagmugna siya’g kaugalingon niyang eksena, nisalida sad inyong iyaan. Dili mi nimo mailad Nadine. Ahw. Atong tan-awon kun unsay dagan sa karera ni Nadine karong wala na sila nag- tandem ni James.

Sanden:   Paghilom  diha Jaypee,  mosundog pa lang ka ni Tita Yuri nga positibo gyud ang panglantaw sa maong isyu.  Kahibalo na baya, dili sa tanang panahon nga magmintinar si Nadine sa  istado niya sa showbiz, seguro paagi na niya nga modalit na pud og laing timplada sa iyang imahe.  Total, dili man sad maapektohan ang natural iya nga estilo sa pag-arte atubangan sa kamera.  About sa patagad issue, basin slight lang hahaha. Excited nako, unsa ang sunod nga proyekto ni Nadine.

Yuri:  Siyempre madam Jaypee, mo-eksena gyud imong Ate Nadine, abi palang wala na siya’y laing ma-offer sa iyang  fans. This time, it’s more hugyaw mao nga standby and learn! Wala na’y lain pang i-prove si Nadine kay iyang napakita kun unsa siya ka versatile as an actress. Sa bashers ni Nadine,  pangatulog  mo para inigmata ninyo,  madawat ninyo ang kamatuoran nga hey it’s me Nadine-bolder-brighter-bigger!

Jaypee:   Maayo ninyo pakungon, nagyaya lang mong duha! Hello Sanden, I am a very optimistic person. I am just stating a fact. Makaingon kong mi-eksina lang gyud na siya kay lagi, dili siya palupig sa karera sa iyang uyab o ka live-in nga pwedeng lupara. Sa iyang part, mohimo gyud sya’g nindot nga mugna aron dili siya mabiyaan. Common Sanden and Yuri, bisag klaro na gyud kaayo sa pattern. Ang gibuhat ni Nadine ron mao ang pagpahumot sa iyang ngalan. That’s it. Ang ato ani, ato lang tan-awon kun kagaton ba ni sa publiko. Good luck, gwaps!