Pia dunay poser
CEBU, Philippines – Usa ka semana human sa paglusad sa iyang vlog, nabiktima dayon ang beauty queen nga si Pia Wurzbach og usa ka poser sa YouTube.
Nagpatabang si Pia sa iyang followers nga i-report ang maong fake account.
“Oh no! Help us report this account. I just started my vlog and somebody’s already pretending to me. And getting a fair amount of views, too,” saysay pa niya.
Nagpungasi nga kaanyag
Pipila ka Kapamilya stars ang nahugyaw sa paglutaw og maayo sa kaanyag ni Liza Soberano sa bag-ong litrato nga gi-post niini sa Instagram/
Ang maong hulagway kuha sa celebrity photographer nga si Dookie Ducay.
Nagbutang og caption si Liza nga "Wherever life plants you bloom with grace."
Gawas sa iyang boyfriend nga si Enrique Gil, nidayeg sa kaanyag ni Liza mao sila si Angel Locsin, Bea Alonzo ug Angelica Panganiban.
Ahron gitubag ang intriga
Hugtanong gihimakak ni Ahron Villena ang tsika nga matud pa duna siya’y gay benefactor nga maoy kauban niya sa paglarga-larga og laing nasud.
Aminado si Ahron nga wala gyu’y paghupas ang maong isyu busa kever nalang siya niini.
“Naku, kung meron po talaga, hindi na ako magtatrabaho!” saysay pa ni Ahron nga namantala sa PUSH.
“Sunod” mohulip sa “(K)Ampon”
Ang pelikulang 'Sunod' nga pagabidahan nila ni Carmina Villaroel ug Mylene Dizon maoy ihulip sa pelikula ni Kris Aquino nga '(K)Ampon' sa Metro Manila Film Festival 2019.
Nasayran nga horror film gihapon ang “Sunod”.
Kahinumdoman nga na-disqualify ang pelikula ni Kris gumikan kay nalapas na kini sa deadline paghulip og usa ka bida niini.
Kahinumdoman nga niatras si Derek Ramsay sa maong proyekto.
- Latest
