Mo-audition gyud
CEBU, Philippines – Andam gyud nga mobida si Pia Wurtzbach sa pelikula nga “Darna”. Ingon nga mopatim-aw gyud siya sa ipahigayon nga audition sa maong movie project. Matud pa ni Pia nga dream role gyud niya ang Darna sukad pa niadtong bata pa lang siya.
Gipatay ang road manager
Gipadayag ni Darren Espanto ang iyang kaguol sa dihang nasayran niya nga napalgang patay ang iyang kanhi road manager nga si Carmencita “Karen” Hernandez didto sa gipuy-an niini sa Pampanga. Usa sa gidudahang ugat sa maong insidente mao ang away sa managhigala ug utang.
Dream car
Brand new gyud ang sakyanan ni McCoy de Leon. Ingon nga mao gyud kini ang iyang dream car. Matud pa ni McCoy nga taud-taud gyud kini niya nga gitiguman.
Sakit nga pulong
Wala gyud palabya ni Yassi Pressman ang usa ka netizen nga mikomento sa iyang post sa Instagram ug giingnan siya nga nagpatagad kang Coco Martin ug mao kini ang third party sa relasyon niini ngadto kang Julia Montes. Sa maong sakit nga mensahe gikan sa netizen, gitubag kini ni Yassi og “you are not welcome here, have a good day”.
The heiress
Andam na si Janella Salvador alang sa usa ka drama project kauban ang Diamond star nga si Maricel Soriano. Ang maong pelikula nagtangag sa working title nga “The Heiress”.
Depende lang
Gibutyag ni Kris Aquino nga dili pa niya matino kun kanus-a siya mobalik sa social media gumikan kay nag-agad ra siya sa sitwasyon sa iyang kinabuhi. Una na nga nanamilit si Kris sa iyang 4.1 million followers sa iyang Instagram account.
Todo pangandam
Gipangandaman gyud og maayo ni Erich Gonzales ang iyang upcoming series sa ABS-CBN kun diin makauban niya sila si Xian Lim ug Kim Chui. Ang maong proyekto nag-ulohan og “Love Thy Woman”. Suma pa ni Erich nga soud niya nga higala sila si Xian ug Kim.
Nangandam sa future
Gipaneguro ni Jessy Mendiola nga mapangandaman gyud niya ang iyang kaugmaon busa gisudlan niya ang pag-negosyo. “ “I’m just preparing for the future also. I want something to do ‘pag mommy na ako. Puwede mong gawin at home inaalagaan mo ang babies and all”, suma pa ni Jessy.
Giluwas ni Ate V.
Giasoy ni Luis Manzano nga giluwas sa iyang inahan nga si Vilma Santos ang iyang girlfriend nga si Jessy Mendiola. “Noong bata siya, nagkasama sila ni mommy sa isang commercial. Sila nung ate niya. Nasunog ‘yung set. Niligtas sila ni mommy. Nung nasunog ‘yung set, [dahil sa] stove I guess, nilabas sila ni mommy. Ang galing ‘di ba?” asoy pa ni Luis.
Fully paid
Pagkugi sa raket ang tinubdan kun ngano mas dali nga nabayaran ni Neil Coleta ang iyang gihulog-hulogan nga balay nga nakumpleto na niya og bayad. Nasayran nga “10 years to pay” ang maong balay apan nabayaran kini niya sa mubo lang nga panahon tungod sa mga raket nga miabot kaniya.
- Latest