Nasuya sa uban kay ka-overnight

CEBU, Philippines – Gitug-an ni Tony Gonzaga nga masuya siya kaniadto kun adunay mga magkarelasyon nga mobisita sa nagkadaiyang maanindot nga destinasyon kun saulugon ang espesyal nga adlaw niini. Matud pa niya nga dili sa wala siya’y panahon nga bisitahon kini apan dili siya tugtan sa iyang mga ginikanan nga mag-overnight kauban ang hinigugma nga si Paul Soriano kaniadtong wala pa sila magminyo. Bilib sab gyud si Toni sa iyang bana gumikan kay sa walo ka tuig nila isip manag-uyab, misabot gyud kini sa mga patakaran  sa ginikanan ni Toni nga dili mag-overnight kun dili pa kasado.

Andi, buntis

Mipahibawo  si Andi Eigenmann pinaagi sa iyang Instagram stories nga nagsabak na siya sa iyang ikaduha nga anak. Gipakita niya ang usa ka hulagway nga dako na ang iyang tiyan. Matud pa niya nga 14 ka semana ug tulo ka adlaw na siya nga nagsabak. Tataw nga ang amahan niini mao ang surfing champion nga si Philmar Alipayo.

Giregalohan sa cornerstone

Gisaw-an nil ani Moira dela Torre ug Jason Marvin Hernandez ang ilang honeymoon sa Maldives. Ang maong pagtikang nila sa maanindot nga dapit regalo gikan sa Cornerstone Entertainment nga mao ang talent agency nga gipasilungan ni Moira. Ang duha nag-iyahay na sab og upload sa ilang social media account ug gipakita nila niini kun giunsa nila paglingaw ang ilang bakasyon isip magtiayon.

Victory party

Gisaulog nila ni Vice Ganda ug  sa tibuok nga cast sa top-grossing film nga “Fantastica” ang ilang kalampusan. Ang maong pelikula mikita sa takilya og P596 million sukad kini gisalida niadtong Disyembre atol sa Metro Manila Film Festival 2018.

Kinabuhi samtang nagskwela

Gihandum ni Derek Ramsey nga kaniadto nga anaa pa siya nagtungha sa kolehiyo didto sa Estados Unidos, gikahiligan niya ang mag-snack sa tungang gabii. Matud pa niya nga galgalon niya ang iyang mga higala nga mga Pinoy nga ubanan siya sa pagkaon.  Tungod kay nagtipid siya pag-ayo ug gusto gyud niya nga mokaon og donut, gisuod niya ang manager niini ug didto na nga librehan sila sa manager kun mobisita sila sa maong tindahan.

Gilauman ni Roxanne

Nagmalaumon si Roxanne Guinoo nga unta makauban sa usa ka proyekto ang iyang mga ka-batch kaniadto sa Star Circle Quest. “Wish namin magkaroon kami ng reunion kahit man lang isang episode. Kahit nga pelikula pangarap ng grupo ‘yan eh. So sana merong mag-produce or mag-plano para sa batch namin ng SCQ”, suma pa ni Roxanne.

Grabe magtipid

Tsika pa sa komendyante nga si Chokoleit nga mabinantayon gyud siya sa paggasto sa iyang kwarta karon nga wala kaayo siya’y regular nga mga show. “I’m very, very careful with my finances. Siyempre hindi din naman ganun kalaki ang kita ko. Pero kumbaga in every cent na kinikita ko, binibigyan ko ng halaga. Savings. Never ako nagsugal. Pala-save talaga ako. Kunyari ‘yung 100 pesos na kinikita ko, ang savings ko 80 pesos. Bente lang ginagastos ko”, esplikar pa ni Chokoleit.

Arci, ipares ni JM

Update pa ni JM de Guzman nga si Arci Muñoz ang iyang bag-o nga kapares sa usa ka pelikula ug sa usa ka serye nga mosikad na puhon. Matud pa ni JM nga gisugdan na sab nila pagshoot ang ilang serye nga bidahan.

Nabuhi sa cup noodles

Gibutyag ni Jessy Mendiola pinaagi sa iyang vlog nga nabuhi lang sila kaniadto sa iyang igsuon nga si Pam sa pagkaon nga “cup noodles” matag adlaw. P20  ra ang ilang bawon kaniadto ug matud pa ni Jessy nga cup noodles ra gyud ang ilang mapalit sa ilang bawon ug mag-inilugay pa sila niini tungod kay magkuwang pa.

Maguol kun mobiya

Gikaguol ni Yassi Pressman ang pagbiya sa ubang mga karakter sa serye nga FPJ’s Ang Probinsyano. Matud pa ni Yass nga pamilya na ang iyang tan-aw niini.