Giintriga nga tomboy

CEBU, Philippines – Gitataw ni Maris Racal nga wala silay relasyon ni Sue Ramirez. Matud pa ni Maris nga suod gyud sila nga managhigala. Dugang pa nga suportado nila ang LGBT community ug gitataw ni Maris nga dili gyud sila tomboy ni Sue.

Go Claudine!

Malipayong gipahibalo ni  Claudine Barreto ngadto  sa iyang  followers sa Instagram nga aduna siya’y umaabot nga pelikula nga ubos sa direksyon ni Sigrid Andrea Bernardo kinsa mao ang direktor sa hit movie nga Kita Kita. Sa detalye nga gibutyag ni Claudine, matud pa niya nga sugdan kini nila pag-shoot karong Hulyo ug mahitabo kini didto sa France.

Wala’y relasyon

Gitataw ni Vina Morales nga wala silay intimate relationship sa American DJ nga si DJ Kaskade. Matud pa ni Vina nga maayo ang pagtratar sa DJ ngadto kaniya sa dihang mitan-aw siya sa concert niini sa Okada. “He was very nice kasi and most of his staff kasi are Pinoys, so mga kaibigan ko. So before his show, nagpa-picture lang kami. And then after the show, there was an after party. Yun lang naman but nothing more than that”, pagklaro pa ni Vina.

Nadiskubrehan  ni Jodi

Giangkon ni Jodi Sta. Maria nga aduna siya’y mga nadiskubre sa pagkatawo sa iyang onscreen partner nga si Richard Yap. “Ang na-discover ko kay Richard, at his age napaka-sharp pa ng memory. Uy compliment yun! Through the years, si Richard nag-improve siya as an actor,” padayag pa  ni Jodi.

Dunay hashimoto  disease

Gibutyag ni   Michelle Madrigal nga na-diagnose siya sa sakit nga hashimoto disease. Usa kini ka kondisyon kun diin moatake ang immune system sa thyroid gland. Gibutyag sab ni Michelle nga gitagamtam sab niya ang sakit nga goiter tungod sa maong sakit. Dugang pa ni Michelle nga gipahimangnuan na siya  sa mga angayan niya buhaton.

Nag-drugs  tungod sa gugma

Wala gyud gi-deny ni  Patricia Javier nga nakatilaw na siya og  ginadiling druga tungod lang sa gugma. Matud pa ni Patricia nga nahitabo kini niadtong 2002 kun diin nakarelasyon niya ang usa ka ilado nga negosyante nga usa ka dakong minyo. “Because of that situation, there was a time na I tried to take ecstacy. Yung ecstacy na yun, pag tinake mo, parang love, love, love lang. Parang nawawala yung ano mo... yung lungkot”, suma pa ni Patricia.

Duna na’y kasaligan

Giangkon ni Kylie Padilla nga nagduhaduha gyud siya nga magkuha og katabang kaniadto alang sa pag-atiman sa ilang anak ni Aljur Abrenica nga si Alas Joaquin. Apan nausab kini sa dihang naila-ila ni Kylie ang duha ka katabang kinsa kasamtangang nagbantay karon sa iyang anak. Sa iyang Instagram post, gipadayag niya ang iyang pasalamat tungod kay aduna na siya’y kasaligan  kun mobalik na siya sa trabaho puhon.

Exclusive  kapuso artist

Mipirma og exclusive contract si Reina Hispanoamericana 2017 Wynwyn Marquez sa GMA-7 sa  miaging adlaw. Atol sa nahitabong contract signing ni Wynwyn, gibutyag sa opisyales sa GMA nga aduna nay giluto nga primetime series nga haom gyud kang Wynwyn.

Mura og bayot

Wala panumbalinga ni Miss Universe 2015 Pia Wurtzbach ang mga komento gikan sa mga netizens kabahin sa iyang look alang sa Metro Magazine nga gipost niya sa Instagram. Daghan ang nag-ingon nga mura og bayot tan-awon ang beauty queen ug kaanggid niini ang  American drag queen nga si RuPaul. Apan wala ray nakitang problema ang morena beauty queen gumikan kay proud ra sab siya nga makumpara ni RuPaul ug aduna sab  siya’y kasingkasing sama sa usa ka bayot.