Pelikula ni Mercedes Cabral sa MMFF walang gustong manood!

PIK: Swak na swak kay Sunshine Dizon ang bagong project niyang Ika-6 na Utos, ang bagong afternoon drama ng GMA 7 na papalit sa timeslot ng Oh My Mama.

Maraming paghuhugutan si Sunshine sa mga eksena niya sa naturang serye at marami na rin daw siyang natutunan.

Napapansin lang namin kay Sunshine, hindi na siya gaanong nagsasalita ng laban sa asawa niyang si Timothy Tan. Binanggit niyang kaya raw niya itutuloy ang kaso dahil kailangang mapanagutan daw ni Clarisma Sison itong ginawa sa kanya.

Dapat maintindihan daw ni Cla­risma ang ibig sabihin ng ika-6 na Utos na huwag kang makiapid sa hindi mo asawa.

PAK: Nagu-googgle na ang trailer ng mga pelikulang kalahok sa Metro Manila Film Festival, pero pito pa lang ang napanood namin dahil wala pang trailer ang pelikulang Oro nina Irma Adlawan, Mercedes Cabral at Joem Bascon.

Pero ang dami sa mga taga-showbiz ang hindi nagustuhan ang ginawa ni Mercedes kay Mother Lily, kaya hindi na raw sila interesadong makita pa ito. Kahit kami ay walang balak na i-promote ang naturang pelikula dahil kay Mercedes. Dapat maintindihan ni Mercedes kung gaano kahalaga si Mother Lily sa movie industry. Mas kailangan si Mother Lily ng industriya, si Mercedes, hindi.

BOOM: Masayang nagkatsika­han sina Sunshine Cruz at Ara Mina sa launch ng bagong Rene Mouris watch na ginanap sa City fo Dreams nung kamakalawa lang.

Sabi naman ni Ara, matagal na silang magkaibigan ni Sunshine, pero ngayon ay mas lalong naging okay sila dahil sa kapatid niyang si Macky Mathay.

Nakikita naman daw niyang masaya ang kapatid niya at ganundin si Sunshine, kaya sana tuluy-tuloy na raw.

“Unexpected lahat ang nangyayari eh. Nakakatuwa kasi we’re more like sisters na talaga noon pa,” pakli ni Ara.

Nilinaw ni Sunshine na hindi si Ara ang nagpakilala sa kanila ni Macky, kundi talagang dumiskarte raw ito nang husto para makilala siya.

Masaya na raw ngayon si Sunshine, dahil hindi naman daw niya ini-expect na darating si Macky sa buhay niya.

Tinanong na rin namin ang aktres na bilang bahagi sa pag-move on niya sa hiwalayan nila ni Cesar Montano, bukas na ba siya sa posibilidad na pagkakaayos at maging friends sila ng dating asawa?

“There are some things that we have to fix legally unfortunately. Cooperation na lang sana, and sooner or later…I hope we will both make life and things easy for both of us.

I know that we both deserved to be happy, and we both deserved peace of mind,” seryoso niyang pahayag.

Dagdag pa niyang pahayag; “It is so hard to main a good relationship if he cannot stop people around him na patuloy na nanakit sa aming mga anak,”

Makahulugan ang pahayag na iyon ni Sunshine na mukhang tinutukoy niya ito sa mga kapatid ni Cesar na nakikialam daw sa kanilang dalawa.

Hindi na dinetalye ni Sunshine kung ano ito.