Pag-atiman og iro
CEBU, Philippines – Makalingaw ug makapahimuot ang pag-atiman og iro ug suma pa sa panultihon, usa kini sa mga hayop nga matawag nga higala sa tawo.
Kasagaran sa dog lovers ang dali nga mingawon sa ilang mga alaga bisan usa lang ka adlaw nga dili sila makakita niini.
Sa artikulo nga namantala sa www.today.com, kini nagkanayon nga makapagaan sa pamati ang pag-atiman og iro .
Matud pa nga mopaminos kini sa stress, busa duna’y mga tawo nga inig abot nila sa balay gikan sa trabaho pangitaon dayon nila ang ilang binuhi nga iro para hagwaon.
Ang pakighagwa sa iro giingong motabang kini sa pagpaminos sa blood pressure gumikan kay ma-relax ka man.
Suma pa sa pagtuon sa University of Michigan School of Nursing niadtong 1997, ang pag-obserba sa linihokan sa mga hayop makatabang sa pagpalagsik sa imong lawas.
Mao Ba Diay! Maka-relax
Makapa-relax matud pa ang pagkubkob og yuta busa mahimo na nimo nga buhaton ang gardening. Sa artikulo nga namantala sa iheartintelligence.com, ang yuta adunay mycobacterium vaccae nga mo-stimulate og serotonin production nga maoy makapalipay ug makapakalma kanimo.
Aduna pu’y mga pagtuon nga makapaminos sa stress . Kung kuwang og serotonin, muresulta kini sa depresyon, anxiety o bipolar problem. Ang mycobacterium vaccae giisip nga natural antidepressant sa yuta.
Mao kini ang rason nga kasagaran sa mga gardener ang malipayon matag adlaw
- Latest