Monica In a Dozon

CEBU, Philippines - Nisamot na pagbidlisiw ang bituon sa Sugbuanon nga singer nga si Monica Cuenco human gipasundayag og balik sa Resorts World Manila ang musical play nga “Bituing Walang Ningning”.

Suma pa ni Monica nga dili lalim ang iyang role gumikan kay siya maoy nagdala sa papel nga Dorina.

Karong subling ibalik pagpasundayag ang maong musical diin makauban na niya sila si Mark Bautista, Ronnie Liang , Menchu Lauchengco-Yulo,  Jon Santos ,  Michael Williams , Jay Roa ug John Nite.

Dili pa lang dugay nag mall show sila si Monica ug Mark dinhi  sa Sugbo alang sa promosyon sa maong musical play.

Ang istorya sa kinabuhi ni Monica maoy matan-awan karong  gabii  sa Maalaala Mo Kaya  sa ABS-CBN  kung diin  si Sarah Lahbati maoy modala sa  iyang karakter.

Kahinumduman nga produkto si Monica sa reality-show Star Power sa ABS-CBN, diin si Angeline Quinto ang nidaog.

12 Facts You Don’t  Know About Monica:

1. Himi gyud ko nga pagkatawo. Dali ra ka’y ko makahilak labi na kung  itsismis ko.

2.Dili ko ganahan og ketchup, lud-on bitaw ko.

3.Ganahan ka’y ko  makig istorya –istorya sa akong mga pag-umangkon.

4.Sa una , hilig ko mag-jog diha dapit sa Ayala.

5.Saging nga isuwa og ginamos maoy usa sa mga paborito nako nga pagkaon.

6.Maulawon kay ko sa una, pero sukad nagsugod ko og kanta-kanta, nawala na siya.

7.Kusog kay ko motago sa akong feelings. Kung masakitan o maglagot ko, dili dayon ko mahalata.

8.Saktong katulog o pahuway maoy akong sekreto aron dili madaot  ang akong tingog.

9.Daddy’s girl  ko.

10.Hadlokan gyud ko og cockroach.

11.Hilig ko molanlan og milk powder.

12.Crush gyud nako si James Reid.