Daniel at Kathryn may romantic treat sa ASAP 20!
MANILA, Philippines - Sa pagpapatuloy ng engrandeng 20th anniversary ng ASAP 20, back-to-back ang kilig at sorpresa ang pasabog ngayong Linggo (Pebrero 8) dahil sa Valentine treat nina teen King and Queen Daniel Padilla at Kathryn Bernardo sa official launch ng kanilang pinakananabikang pelikula na Crazy Beautiful You.
Tunghayan ang naiibang selebrasyon ng pag-ibig sa espesyal na bridal shower ni Yeng Constantino kasama ang ASAP sessionistas na sina Richard, Juris Fernandez, Kean at Aiza Seguerra.
Bukod sa ‘Feb-ibig’ na dala nina Daniel, Kathryn at Yeng, tuloy-tuloy na selebrasyon ang matutunghayan sa ASAP centerstage dahil sa bonggang birthday bash na inihanda para sa Star Magic ‘main man’ na si Direk Johnny Manahan kasama ang naglalakihang Kapamilya stars na sina Piolo Pascual, Bea Alonzo, Zanjoe Marudo, Jericho Rosales Vina Morales, Pokwang, Xian Lim, at Jessy Mendiola at sina Joana Ampil, Leo Valdez, Lani Misalucha, Martin Nievera, and Lea Salonga.
Samantala, world-class talent naman ang muling masasaksihan sa ASAP 20 concert stage sa nakakakilig sa I Love OPM segment nina ultimate performers Gary Valenciano, Martin at Lani. Humanda naman sa naiibang production ng Gimme 5 kasama sina Nash Aguas at Alex Ilagan.
Hindi naman papahuli ang Gonzaga sisters na sina Toni and Alex sa kanilang kakaibang sorpresa ngayong linggo. Hindi rin papahuli si Bb. Pilipinas- Universe MJ Lastimosa sa kanyang nagliliyab na ASAP dance performance.
Abangan naman ang paglulunsad ng pinabagong album ni Arnel Pineda; na susundan ng makatindig-balahibong musical performance nina ZsaZsa Padilla, Kuh Ledesma, Louie Reyes, Eugene Villaluz, Tillie Moreno, and Ray-An Fuentes. May espesyal na musical collaboration din sina Jed Madela, KZ Tandingan, Klarisse Morissette, at Jovit Baldivino. Nagliliyab din ang Supah dance nina Maja Salvador, Gerald Anderson, Enchong Dee, Shaina Magdayao, Nikki Gil, at Aaron Villaflor at ang karaokey Challenge nina Luis Manzano at Alex kasama ang newest challenger na si master rapper Andrew E.
- Latest
