QueenSize of Cebu 2014 nisikad na

CEBU, Philippines – Festivals of the World ang tema karong tuiga sa QueenSize of Cebu. Kinse ka mga talentadong bus-ok ug matahom nga mga transgender ang magtigi alang sa lima ka titulo: QueenSize Festival - World 2014 (winner); QueenSize Festival -Pacific Islands (first runner-up); QueenSize Festival - Caribbean Islands (second runner-up); QueenSize Festival  - Mediterranean Islands (third runner-up); ug QueenSize Festival - Arctic Islands (fourth runner-up).

Ang 15 ka mga kandidata, nga gipresentar sa media didto sa Cabalen Restaurant sa SM City Cebu niadtong Septiyembre 3, mao sila si Victoria (Ashenda Festival of Africa); Pia (Tango Festival of Buenos Aires, Argentina); France (Junkanoo Festival of the Bahamas); Eula (Maitisong Festival of Botswana); Blanch (Carnival of Rio de Janeiro, Brazil); Acea (Batabano Festival of the Cayman Islands); Bea (Lantern Festival of China); Mikay (La Vega Festival of Dominican Republic); Nikki (Opet Festival of Egypt); Jaya (Hinamatsuri Festival of Japan); Yuri (Aloha Festival of Hawaii); Carlee (Sinulog Festival of Cebu City, Philippines); Nestee (Carnaval de Ponce of Puerto Rico); Mikki (Mardi Gras of New Orleans, USA); ug Cassandra (Feria del Sol Festival of Venezuela).

Gipahigayon ang talent competition niadtong Septiyembre 13 sa Rooftop sa Golden Peak Hotel. Ang Top 5 Bests in Talent gilangkoban nila ni QueenSize Feria del Sol Venezuela Cassandra; QueenSize Maitisong Botswana Eula; QueenSize Aloha Hawaii Yuri; QueenSize Hinamatsuri Japan Jaya; ug QueenSize Ashenda Africa Victoria. Mopasundayag og balik ang lima uban sa pagpaila sa makadawat sa Best in Talent special award atol sa coronation night sa Nobiyembre.

Padayon pa gihapon ang botohan alang sa QueenSize Photogenic ug QueenSize of Social Media awards. Ang modaug nga QueenSize of Social Media automatic nga mahimong wildcard candidate nga maoy moangkon sa ikapitong pwesto sa Top 7 finalists. Busa iboto na ang imong kandidata.

Gipahigayon usab ang Swimwear Competition niadtong Sabado,  Oktubre 4, didto  sa Villa Teresita Resort sa Talisay City. Red Hot ang tema diin gihimo ang swimwear ug beachwear pictorials sa wala pa ang kompetisyon pagka gabie. Isunod usab ang Long Gown Competition sa Insular Square sa dili madugay.

Naa sa ikaduha pa ka tuig ang QueenSize of Cebu apan matawag na kini nga usa sa labing gipaabot nga pageant dinhi sa Sugbo. Sa miaging tuig, QueenSize of the Universal Solar System ang nahimong tema diin ang nahimong QueenSize Universe 2013 mao si Marva Brida Regner. Ang QueenSize of Cebu giila isip "the other definition of beauty" tungod sa palahi niini nga tumong nga mao ang paghatag og kahigayonan sa mga bayot nga adunay hawak nga dili momenus sa 40 inches ug timbang nga 200 pounds nga mahimong beauty queens.