Painting ni Anne nahalin na

CEBU, Philippines - Puwerting lipaya ni Anne Curtis gumikan kay nahalin P105,000 ang iyang painting. Gipalit kini sa iyang fan nga ginganlan og Angelit Perez. Ang kita niini idonar ni Anne alang sa mga biktima sa bagyo. Ang maong painting adunay suwat nga "Bangon Pilipinas, Kaya Natin 'To" ug duna kini pirma sa aktres.

Pagpirma giuswag

Karong buwana diay unta mo-renew si Yasmien Kurdi sa iyang kontrata sa GMA-7. Apan ang aktres mismo ang nihangyo sa GMA-7 executives nga iuswag lang kini ngadto na sa Enero sunod tuig. Gituyo kini sa aktres isip pag-unong sa mga tawo nga nabiktima  sa bagyo.

Anunsyo ni Willie giatngan

Matud pa nga duna gihapo’y fans ni Willie Revillame nga nagpaabot gihapon og anunsyo sa ilang idolo karong Pasko. Nagmalaumon ang fans ni Willie nga  bisan wala na kini  programa sa telebisyon, mohimo gihapon kini og mga kalihukan alang sa mga kabos.

Todo tabang

Bisan nakatigom na og  P11 million sila si  Miss Supranational Mutya Datul ug  Miss Universe third runner-up Ariella Arida, dili gihapon sila mohunong sa pagpangayo og donasyon alang sa mga biktima sa bagyo. Suma pa sa diha nga kung dako na ang ilang matigom, nagpasabot nga daghan kaayo sila og matabangan nga mga tawo.

Chanda nagpakasal sa Cebu

Dinhi sa Sugbo nagpakasal ang beteranang aktres nga si Chanda Romero ngadto sa iyang pito ka tuig na nga boyfriend nga si Jose Mari Alejandrino. Si Cebu City Mayor Michael Rama maoy nagkasal sa duha. Nahitabo kini   niadtong katapusan nga bahin sa miaging buwan.