Mr. and Ms. Olive-C Cebu season magsugod na

CEBU, Philippines - Himuon sunod semana ang formal opening sa 2014 season sa labing gipaabot nga Mr. and Ms. Olive-C Campus Model Cebu, ang una ug nag-inusarang campus-based beauty and brain pageant dinhi sa Sugbo. Sugdan kini sa pormal nga pagpanawat sa mga filled-up application form nga ma-download gikan sa http://www.mediafire.com/view/14axjx15se4eb39/Olive-C_application_form_2014.pdf.

Ang upat pa lang ka tuig nga ultimate beauty pageant for male and female teenagers nakahatag na og giya sa daghang mga batan-ong nagdamgo nga mahimong beauty king and queen. Pipila sa mga beauty queen nga nagagikan sa maong indigay mao sila si 2013 Miss Supranational Mutya Johanna Datul, 2011 Miss Philippines-Water Murielle Orais, 2012 Miss Bikini Philippines Abygale Monderin, ug 2012 Miss Teen Face Philippines Lecelle Trinidad. Lakip sa mga lalaking graduate sa Mr. Olive-C pageant sila si Anna Karenina star Hiro Peralta ug Star Magic Circle talent Jon Lucas. Sa laktod nga pagkasulti, ang Olive-C maoy gihimo nilang stepping stone aron makaabot sila sa ilang nahimutangan karon.

Ikaw, andam ka na ba nga mahimong sunod nga Mr. and Ms. Olive-C Campus Model Cebu? Kung ikaw lihitimong estudyante sa bisan asang eskuylahan dinhi sa syudad ug probinsya sa Sugbo, 14 hangtud 20 years old, may gitas-on nga dili mominus sa 5’4 (babaye) ug 5’7 (lalaki), adunay positibong pamatasan, hamis ang kutis, ug andam alang sa oportunidad nga mo-represent sa Cebu ngadto sa Olive-C national finals sa kaulohan, download na sa application form, kompletoha kini ug isubmiter sa buhatan sa Psalmstre Enterprises sa Room 101 CRM Building, Escario cor Molave Sts., Cebu City. Mahimo usab kining i-email sa [email protected]. Ilakip sa pagsubmiter ang photocopy sa school ID ug usa ka empty box sa bisan unsang variant sa Olive-C. Tawag o text sa 09103052328 / 09056987153 alang sa dugang kasayoran.

Tom nakuyawan sa kissing scene

Nagpunay og katawa ug nakuyawan. Ingon niini ang paghulagway ni Tom Rodriguez niadtong panahon nga gihimo ang kissing scene nila ni Dennis Trillo para sa My Husband’s Lover sa GMA-7 nga natapos na niadtong Biyernes sa gabii human sa upat ka bulan.

Nasayran nga wala mapagawas sa telebisyon ang nahisgutang kissing scene (namantala sa Banat News Hugyaw kagahapon) gumikan kay wala tuguti sa MTRCB. Ang nahitabo mao nga sa katapusang eksena niadtong Biyernes, padulong na nga maghawok sila si Vincent (Tom) ug Eric (Dennis) apan kalit nga giputol ug migawas dayon ang series’ credits. Apan sa dvd version sa maong serye, gipaabot nga ipakita ang maong kissing scene.

Paghinumdum hinuon niya sa maong eksena:” Nakakatawa nga, kasi sobrang kinakabahan ako.

“Buti na lang si Dennis ay napaka-professional na tao.

“Alam kong pareho kaming hirap, pero kailangang gawin.

“Sabi ko nga sa kanya, ‘Ipikit na lang natin ang ating mga mata!’” nagkatawa pa nga pagpaambit ni Tom ngadto sa PEP.

Wala lagi scandal

Subling gihimakak ni Enchong Dee ang gidudahang sex video scandal nila sa Peruvian model nga si Sebastian Castro atol sa presscon sa umaabot niyang teleserye sa ABS-CBN, You’re My Home. Wala matud pa siya’y gibuhat nga ikauwaw niya busa wala siya’y eskandalo, ug wala pud siya personal nga nakaila kang Sebastian. Ang iyang nasakitan mao nga ingon ana ra diay ka ubos ang pagtan-aw sa ubang tawo niya.

Nanalaw ang MHL?

May mga dismayado nga wala gyud mahinayon pagpakita ang lips to lips nila ni Dennis Trillo ug Tom Rodriguez sa finale sa My Husband’s Lover adtong Biyernes sa gabii sa GMA-7. Para sa mga nagsunod sa maong kontrobersyal nga serye, nakawang matud pa ang kapamangahason sa MHL gumikan sa pagtalaw nila sa pagpakita sa nahisgutang eksena nga normal lamang sa mga salida nga dunay ingon niini nga tema.

Buotan gyud

Bisan kaniadto pa lamang nga wala pa sila magpares sa pelikula, para ni Dingdong Dantes, buotan gyud si Bea Alonzo base sa iyang nakita sa telebisyon. Ug sa dihang nagpares na sila sa “She’s The One” namatud-an matud pa ni Dong nga walay pagpaka aron ingon si Bea, nga “she is genuinely nice.”

Paras Brothers Kapuso Na

Mipirma og kontrata adtong Biyernes ang magsuong Andre ug Kobe Paras sa GMA Network. Giklaro hinuon sa duruha nga prayoridad gihapon nila ang ilang pagtuon. Buot sa duruha nga suwayan ang hosting, samtang dili pa sila andam nga mag-acting. Target ni Andre nga malakip isip host sa Sunday All Stars.

Hip hop for Bea

Adunay umaabot nga dance concert si Enrique Gil karong November 29 sa Araneta Coliseum ang King of Gil. Hinungdan nga gipangutana siya unsa nga tukar ang iyang sayawon para sa iyang mga leading ladies. Para kang Liza Soberano, fun fun lang matud pa. Kang Julia Montes, bisan unsa nga kenkoy paminawon ug kang Bea Alonzo, hip hop.

Ipadayon  ang pork barrel

Supak si Garry Estrada nga wagtangon ang pork barrel. Si Estrada kinsa board member sa second district sa Quezon Province, dihang nahinabi sa mga tigbalita sa set sa teleseryeng “Akin Pa Rin Ang Bukas” sa GMA-7, miingon nga kun wagtangon ang pork barrel mahimo na lang og tawo-tawo sa presidente ang tanang magbabalaod.

Walay klaro

Walay klaro ang relasyon nila ni Kristoffer Martin ug Joyce Ching. Kini maoy gibutyag sa young actor, kinsa mihulagway sa ilang sitwasyon nga, “magulo” ug “it’s a long story.”

Seloso ang anak ni Piolo

Dili matud pa sila uyab ni Shaina Magdayao ug dili sila exclusively dating. Kini maoy giklaro ni Piolo Pascual. Apan niya pa, suod matud pa sila ni Shaina ug kaila na sila sa usa’g-usa sanglit nagkauban na sila sa daghang projects kaniadto pa. Dugang pa niya, dili usa siya musulod og relasyon sanglit misaad siya sa iyang anak nga si Inigo nga dili na niya kini pakyason pa. Seloso matud pa ang bata ug kun aduna siya’y karelasyon maibanan ang iyang panahon ngadto niini.

Higti dayon!

Tambag ni Zsa Zsa Padilla ngadto sa iyang mga anak nga kun makakita na kini og tawo nga matuod nga maghigugma nila, dili na gyud kini angayan nilang buhian. Matud ni Zsa Zsa nga talagsaon na lang kaayo karon ang mga tawo nga matinud-anon busa angayang ampingan gyud. (BANAT NEWS)