Rachel Donaire maagang nagsalita na mananalo ang asawa!

SEEN: Talo si Nonito Donaire, Jr. sa laban nila ni Cuban boxer Guillermo Rigondeaux sa New York City noong Sabado (Linggo ng tanghali sa Maynila).

SCENE: Delayed ang via satellite telecast ng ABS-CBN sa Donaire-Rigondeaux fight dahil lumabas na ang resulta ng laban sa Twitter updates habang Round 4 pa lamang ang ipinapakita ng Kapamilya Network.

SEEN: Upset si Nonito Donaire, Jr. dahil natalo siya sa unang pagkakataon sa loob ng 12 years na pakikipaglaban niya sa boxing ring.

Magang-maga ang right eye ni Donaire, Jr.

SCENE: Ang tweet at Facebook picture posts ni Rachel Donaire ilang oras bago nagsimula ang laban ng kanyang asawa kay Guillermo Rigon­deaux:

“Dressed to the 9s for Radio City Music Hall to witness hubby add another belt to his collection.” Rachel spoke too soon.

SEEN: May sawa factor ang madalas na pagsasama nina Christian Bautista at Rachelle Ann Go sa mga production number ng Party Pilipinas. 

SCENE: Si Maricris Garcia ang kumanta ng Kung Alam Mo Lang, ang theme song ng Kakambal ni Eliana, ang pang hapon na programa ng GMA 7. Si JoAnne Lorenzana ang original singer ng Kung Alam Mo Lang.

SEEN: Bading ang role ni Joem Bascon sa The Bride and the Lover ng Regal Entertainment, Inc. Bading ang role ni Joem sa Lihis ng Baby Go Productions.

SCENE: Busiest director si Joel Lamangan dahil sa magkakasunod na pelikula na kanyang ginagawa, ang The Bride and The Lover, Lihis, at Burgos.