BB at fans ng teen actor galit, obsessed fan nagtangkang tikman si Daniel!

SEEN: Notorious ang wor­king­ title ng primetime show ng GMA 7 na tatampukan nina Lovi Poe at Richard Gutierrez.

Si Mark Reyes ang direktor ng Notorious.

SCENE: Sa March 9 ang pilot telecast ng Vampire ang Daddy Ko, ang sitcom nina Vic at Oyo Sotto. Kasali sa Vampire ang Daddy Ko sina Ryzza Mae Dizon, Jimmy Santos, Glaiza de Castro, at Pilita Corrales.

SEEN: Magkakaroon ng motorcade sa University Belt sa Manila sa Huwebes sina Coco Martin at Congressman Sonny Angara. Ipinangangampanya ni Coco ang senatorial bid ni Angara.

SCENE: Si Toto Natividad ang direktor ng Dugong Buhay, ang afternoon teleserye ng ABS-CBN na tinatampukan ni Ejay Falcon at ng mga baguhang aktor na sina Arjo Atayde at Jed Montero.

SEEN: Galit ang fans ni Daniel Padilla sa female fan na nagtangka na halikan siya sa labi sa ASAP 18 noong Linggo.

Hindi nagtagumpay ang obsessed fan na mahalikan si Daniel sa labi.

SCENE: Hindi rin ikinatuwa ni BB Gandanghari ang ginawa ng obsessed fan sa kanyang pamangkin.

Off limits daw ang tangka na paghalik ng fan kay Daniel Padilla.

SCENE: Dance of the Steel Bars ang pamagat ng pelikula na pinagbibidahan ni Dingdong Dantes at mula sa direksiyon ng GMA 7 news reporter na si Cesar Apolinario.

SEEN: Ang Belo Medical Clinic ang tumulong kay Robin Nievera kaya na-achieve nito ang kanyang ideal weight.

Si Robin ang panganay nina Pops Fernandez at Martin Nievera.