Jessica Soho ipapakita ang iba’t ibang recipe ng paella
MANILA, Philippines - Ngayong Linggo, December 23, babalikan ang mga istoryang itinampok ng Kapuso Mo, Jessica Soho (KMJS) na talaga namang naging trending topic sa taong ito.
Muling mapapanood ang paghahanap ni Joemil kay Mang Roldan, ang taong nagpabago sa pananaw ng kanyang buhay. Bibisitahin silang muli ng KMJS upang kamustahin ang papalapit nilang Pasko. Babalikan din ang kuwento ni Sonja March na bagamat walang boses, naipabatid naman ang kaniyang ligaya matapos makita ang nawalay niyang BFF o Best Friend Forever sa loob ng mahigit dalawampung taon na si Erlinda. Magpapatili namang muli ang all-male Pinoy dance group na pinagkakaguluhan ng mga kabataan ngayon - ang Chicser! At handa ng KMJS ngayong Noche Buena, ang iba’t ibang recipe ng Paella!
Sa darating namang December 30, ang 2012 out of the country trips ng KMJS bibidang muli pati na rin ang mga paandar na kanta at sayaw na nauso ngayong taon. Tampok din ang mga natatanging naka-one-on-one interview ni Jessica na local at international celebrities. At siyempre hindi mawawala ang mga pinakamasasarap na pagkaing inihain ng programa!
Lahat ng ‘yan sa Best of Kapuso Mo, Jessica Soho ngayong Disyembre 23 at 30 na, Linggo ng gabi, 7:45pm bago ang Agaw-Eksena 2012 Ulat ni Mike Enriquez sa GMA-7.
- Latest
