Anabelle ug Bianca naluwas

CEBU, Philippines -  Gibasura sa Quezon City Prosecutor's Office ang gipasaka nga libel case ni  Amalia Fuentes batok nila ni  Annabelle Rama ug Bianca Gonzalez. Nag-ugat ang maong kaso sa dihang wala mahimuot si Amalia sa artikulo ni Bianca sa usa ka nasudnong pamantalaan kung diin naapil ang iyang pangalan sa interview niini kang Annabelle.

Alang kang Nora

Gihalad ni Eugene Dominggo ngadto sa iyang idolo nga si Nora ang nadawat niya nga pasidungog sa bag-ohay lang nga 25th Aliw Awards. Si  Eugene maoy napili nga Best Actress (Non-musical) alang sa pelikula niya nga Bona.  Nasayran nga si Nora maoy orihinal nga Bona niadtong 1980.