Final na!
CEBU, Philippines - Matud pa nga gisuwayan og hangyo si Eugene Dominggo sa TV 5 nga mo-extend og pipila ka semana sa serye ni Nora Aunor nga sa Ngalan ng Ina apan maglisod gyud kini gumikan sa kadaghan niya og proyekto.
Supportive nga uyab!
Si Rayver Cruz maoy tighatag og feedback sa iyang uyab nga si Cristine Reyes kalabot sa padayon nga pagdagsa sa mga tawo sa sinehan aron molantaw og No Other Woman.
Dongyan mosaksi sa away ni Manny
Segurado na sila si Dingdong Dantes ug Marian Rivera nga molantaw sa away nila ni Manny Pacquiao ug Juan Manuel Marquez sa Las Vegas karong Nobyembre 12.
Pia minyo na
Gisaad ni Pia Guanio nga magpakasal siya og balik puhon sa simbahan sa iyang partner nga si Steve Mago aron makasaksi ang iyang mga higala. Kahinumduman nga nagpakasal na diay ang duha sa usa ka Christian wedding niadtong October 1.
Forever Young
Opisyal na nga gi- release sa Teen heartthrob nga si Sam Concepcion ang iyang latest single nga Forever Young.
KC ug Piolo nag-away na pud?
Misamot ang mga pagduda sa publiko nga duna gyuy problema ang relasyon nila ni KC Concepcion ug Piolo Pascual. Kini gumikan kay igo lang mitubag si KC og "hindi ko alam" sa dihang gipangutana kung duna ba’y kalabotan si Piolo sa pag-inusara niya nga paglarga sa Paris.
Pangandoy ni Enchong
Nangandoy si Enchong Dee nga mahimong host sa usa ka Talk Show gumikan kay malingaw siya niini. Suma pa sa aktor nga ganahan siya nga masuwayan ang nagkalain-laing field sa showbiz.
Paningkamot gyud Sitti
Tsika pa ni Sitti Navarro nga nag-work out siya pag-ayo karon aron mabalik ang nindot nga pamorma sa iyang lawas. Busy karon ang singer sa pag-promote karon sa iyang mga awit diin usa na niini ang version niya sa Bridges.
- Latest
