Cesar pabahaan og proyekto sa GMA

CEBU, Philippines - Sulod niining semanaha mopirma og kontrata si Cesar Montano sa GMA-7 diin pipila sa iyang mga proyekto naglangkob sa teleserye, sitcom ug pelikula.

Jen Dili Makigbalik Ni Patrick

Giklaro ni Jennylyn Mercado nga dili gyud siya makigbalik sa iyang ex-boyfriend nga si Patrick Garcia bisan nagtingog na sila niini.

Buwag Na

Hingpit na nga giangkon ni Yayo Aguila, pinaagi sa Paparazzi sa TV 5 niadtong Domingo nga buwag na sila ni William Martinez pero nagpabilin silang managhigala, ang kalainan lang kay lahi na sila og balay nga ulian…

Christian Kabalo Sa Bahasa

Kabalo na si Christian Bautista sa pagamit og Bahasa (lndonesian language) ug mihatag siya og sample niini sa gipahigayong presscon kagahapon sa Blackwater / Ever Bilena. Hinuon mga simple greetings ra ang iyang nahibaw-an sama sa I Love You.Kinahanglan nga magkat-on ang singer sa maong pinulongan sanglit nagkasikat na siya og maayo sa Indonesia tungod sa Bahasa version niya sa kanta nga “Please Be Careful With My Heart”.Nag-record na usab si Christian sa Mandarin version sa maong awit.

Panawagan Ni Kris

Samtang nagbakasyon si Kris Aquino sa US uban sa iyang mga anak nga sila si Joshua ug Baby James , ang iyang abogado maoy iyang gibinlan aron maoy moatiman alang sa legal nila nga separasyon sa iyang bana nga si   James Yap. Matud pa nga final na gyud ang desisyon ni Kris nga makigbuwag kang James ug gipanawagan sa TV host nga sabton unta sa publiko ang nakab-ot niya nga desisyon.

Time Management

Gusto ni Heart Evangelista nga i-balanse niya ang paghatag og oras sa iyang lovelife ug showbiz career gumikan kay puros kini importante sa iyang kinabuhi. “I want to make everything work. Kasi dumaan na ako sa situation na mas pinili ko ang isa kaya may isang nag-suffer. Kung kakayanin ko na mabalanse, I would do it,” nagkanayon ang aktres.

Fans Ni Sarah Naghinam-Hinam Na

Naghinam-hinam na ang mga fans ni Sarah Geronimo sa premiere night sa ilang pelikula nga Hating Kapatid uban kang Judy Ann Santos. Aminado ang fans ni Sarah nga kusog kaayo ang chemistry sa ilang idolo ug Luis Manzano kinsa maoy midala nga leading man sa aktres sa nahisgutang pelikula busa aminado sila nga magmalampuson kini sa takilya.

Kuh Nagpangikog Og Sagpa Kang Dennis

Nakatilaw og kusog nga sagpa si Dennis Trillo gikan kang Kuh Ledesma sa usa ka eksena sa Endless Love. Giangkon ni Kuh nga nakulbaan siya og maayo sa dihang gihimo ang maong eksena. Matud pa nga mihangyo si Kuh kang Direk Mac Alejandre nga dili idayon ang nahisgutan nga eksena apan wala siya’y nahimo sanglit gikinahanglan kini sa istorya sa serye.

Cutie ka tom!

Ang gwapo nga pahiyom ni VOIZboy Tom Rodriguez maoy nakakawat sa atensyon sa mitan-aw sa advance screening sa Magkakapatid.

Hi willie!

Gi-greet si Willie Revillame niadtong Domingo sa Party Pilipinas kay mitan-aw man siya.

Kc “bitch!”

Normal ra matud pa ang pagtawag ni Inigo Pascual, ang 12 anyos nga anak ni Piolo, og “bitch” kang KC Concepcion, sanglit didto man kini sa Amerika magdako.

Lahi Na Ang Tingog

Dili na matud pa hugyaw ang tingog ni Noli “Kabayan” De Castro niining pagbalik niya sa radio pinaagi sa DZMM kagahapon. Lahi ra kaniadto sa milabay nga katuigan.

Mas dato ang gma-7!

Mas dato ang mga kadagkoan sa GMA-7 itandi kang Gabby Lopez. Sila mao si Gilberto Duavit (rank no. 25, net asset of $145 million), Menardo Jimenez (no. 26, $148 millon) ug Felipe Gozon (no. 27, $120 million). Si Lopez, ranked no. 36, $68 million.

Paneguro James Yap

Plano matud pa ni James Yap, Sr. nga musunod kang Kris Aquino ug sa ilang anak didto sa Florida, bisan pa man sa pahibawo sa TV host nga gipahikay na niya ang legal nga proseso sa ilang panagbuwag.

Ana naa na sa gma-7!

Balik telebisyon ang kanhi choreographer sa Wowowee nga si Ana Feliciano karon isip usa sa mga judges sa Dance Showdown, kauban sila si Maribeth Bitchara ug Joy Cancio.

Pataka lang!

Mugna ra gyud matud pa ang paglambigit nila ni Sen. Chiz Escudero, Makati City Mayor JunJun Binay, Coco Martin , ug Gerald Anderson ngadto kang Kris Aquino…Gikan sa www.stir.ph