Pang-iiwan ni Bembol Roco sa asawa pinagtakpan ng anak

Seen : Ang interesting trailer ng Emir, ang launching movie ni Frencheska Farr, ang winner ng Are You The Next Big Star? Si Chito Roño ang direktor ng Emir at pinupuri ang mahusay na direksiyon niya sa pelikula.

Scene : Hindi pa rin sinipot ni Willie Revillame ang Wowowee kahapon.Wala pang stand ang management ng ABS-CBN sa hamon ni Revillame na alisin sa network ang showbiz writer na si Jobert Sucaldito.

Seen : Alam ni Felix Roco na may batang girlfriend ang kanyang tatay na si Bembol Roco. Nag-deny na lang si Felix upang hindi na lumaki ang isyu. Nasaktan si Felix nang hiwalayan ni Bembol ang kanyang ina.

Scene : Best drama actor ng 7th Golden Screen Awards ng Entertainment Press Society si Coco Martin (Kinatay). Best drama actress si Iza Calzado (Dukot ).

Seen : Si Ryan Christian Recto ang tumanggap ng Lino Brocka Lifetime Achievement Award para sa kanyang ina, si Batangas Governor Vil­ma Santos, sa 7th Golden Screen Awards. Abala si Vilma sa pa­ngangampanya sa Batangas.

Scene : Sina Roderick Paulate at Eugene Domingo ang nagwagi ng best comedy actor at actress trophies, respectively sa Golden Screen Awards. Nanalo si Roderick para sa Ded Na Si Lolo at si Eugene para sa Kimmy Dora.

Seen : Ang nakakapagod na imbentong litanya at mga paninira ni Aiko Melendez sa kanyang mga campaign rally.

Scene : Ang rekomendasyon ng Quezon City Prosecutor’s Office na kasuhan ng tax evasion si John Lloyd Cruz base sa paglabag nito sa Section 5 at 14 ng Tax Code of 1997.