^

PSN Showbiz

Sumagot, 'Hindi ako binooo' - Korina

SHOWBIZ DRIBBLE - Salve V. Asis -

Sinagot ni Mrs. Korina Sanchez-Roxas ang issue na lumabas sa PSN na na-boo siya sa Ara­neta Coliseum habang nanonood ng concert ng Tears For Fears nang i-flash siya sa big screen na naka-Laban sign.

“Issue of propriety na ito. Ugali ko na ang pinag-uusapan dito. Walang nakarinig ng boo. We didn’t hear it. Mar (Roxas) was there, he didn’t hear it,” unang sagot niya tungkol sa issue na unang lu­mabas sa Twitter right after the concert ng Tears For Fears last Sunday night.

Anong reaction ni vice presidentiable Mar sa issue? “Pinagtatawanan lang niya. Kasi hindi naman niya talaga narinig,” kuwento ni Korina sa ipinatawag na maliit na presscon kahapon para sagutin nga ang nasabing intriga.

Hindi kasi sila magkasamang dumating ni Sen. Mar sa Araneta dahil galing siya ng rally that parti­cular day at nang dumating siya, 30 sila sa grupo na nakasuot ng blue shirt, ang ginagamit ng grupo ng kanyang asawa sa kampanya.

“Ganito, exactly like this,” sabay turo sa suot niyang T-shirt.

Kuwento pa niya, wala silang alam na may naka­tutok sa kanilang camera dahil nga nagkaka­tuwaan sila sa pagsayaw. “Ini-enjoy namin ang concert, nagsasayawan kami,” pagdi-demonstrate ni Korina habang naka-L ang dalawang kamay na para sa kanya ay ginamit lang niyang expression.

Pagdidiin pa niya, “Pinalalabas kasi nilang ginamit ko ang venue sa kampanya, of course not. Hindi ako ganun. Hindi ako doon nangangam­panya. “Parati na akong nasa palengke, ako na nga si Mrs. Palengke.”

Kaya paano pa raw siya mangangampanya sa nasabing concert na ang intention lang naman ng grupo nila ay mag-enjoy?

Lumabas sa kumalat na issue na binooo si Korina ng buong Araneta ng umaapaw na tao, as in umabot sa 16,000 ang capacity ng Big Dome na hindi ko ini-expect na sikat pa pala sa ating bansa ang ’80s duo na Tears For Fears.

Pagtataka pa ni Korina: “Paano nila narinig ’yun samantalang ang ingay ng buong Araneta?”

Anyway, tapos nang mag-ikot si Mrs. Roxas. Radio interviews na lang siya at hihintayin na lang ang resulta ng May 10 election.

At kung papalarin ang asawa na consistent No. 1 sa survey, babalik siya sa ABS-CBN pero hindi na sa News and Current Affairs.

“Meron kaming pinag-uusapang public service show sa DZMM daily, at entertainment show,” kuwento niya.

At sa pag-iikot niya pala ng Pilipinas, mahigit one million pairs of slippers na ang naipamigay na project niya bago pa man siya mag-asawa.

Teka, nagkaroon din pala ng issue na tamad mangampanya si Mrs. Roxas na sadya pala.

“Kayang-kaya naman ni Mar,” sagot ni Korina.

Besides, hindi pa nawawala ang anghang sa kanyang dila kapag katotohanan na ang pinag-uusa­pan.

“Kaya nga sabi ko, huwag na rin akong magsasama sa kanya. Hin­di ako sanay na pangiti-ngiti lang at walang komento. Baka kung ano pa ang lumabas sa bibig ko. Ako na lang ang umiiwas,” pag-amin niya.

Actually, nang makita ko siya ka­hapon, mo­rena na ang dating matapang na komen­tarista.

“Nakapunta na ako sa halos 80 bayan sa buong Pilipinas. Ang init tala­ga. Sino kaya ang nag-imbento ng kainitan na panahon ang pana­hon ng kampanya at eleksi­yon? Da­pat yata Nobyembre ang elek­siyon,” pagbibiro nito kaya siya nangitim.

ARANETA

BIG DOME

KORINA

MRS. ROXAS

NIYA

SHY

SIYA

TEARS FOR FEARS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with