GMA-7 nag-mugna'g lusot; tulo ka Sugbuanon sa PBB Teens
CEBU, Philippines - Palpak: Nangangkon ang GMA-7 nga nagmadaugon ang pilot rating sa Party Pilipinas (15.5%), niadtong March 28, itandi sa March average rating sa ASAP XV (14.4%), didto sa Mega Manila. Ang pangutana sa mga hugyawnatics nganong naghisgot man og average March rating ang GMA-7 nga wala pamay buwan ang Party Pilipinas busa walay comparison. Ang tinuod mao nga, pildi ang Party Pilipinas pilot rating (15.5%) niadtong March 28, sanglit 17.4% ang ASAP XV rating niadtong higayona sa Mega Manila basis sa survey sa AGB Nielsen Media Research.
Pakpak: Tungod sa paningkamot sa GMA-7 nga ilhon nga labing dako nga party sa tibuok nasud ang ilang Sunday variety show Party Pilipinas, magbaha ang mga Kapuso stars dinhi sa Sugbo karong April 25, sanglit anhi manukad live ang Party Pilipinas. Una niini, maghugop ang walo ka Starstruck V finalists sa Sugbo karong April 24.
Pakpak: Tulo ka mga Sugbuanon ang misulod sa Bahay ni Kuya kagabii alang sa PBB Teen Clash sa ABS-CBN. Sila mao si Fretzi, Rebecca ug Devon. Nasayran sa Banat Hugyaw nga si Fretzi usa ka pageant winner ug sakop sa Ozar Models sa designer nga si Danny Booc.
Cathy mipahimaNgno kang Johan
Gipahimangnoan sa kanhi PBB Double UP housemate nga si Cathy Remperas si Johan Santos nga dili kaayo magpalabi og effort sa pagpanguyab kaniya. Gipadayag kini ni Cathy aron dili magdahom si Johan sa ipakanaog niya nga hukom. Kahinumduman nga gipahibalo ni Johan sa miaging adlaw nga manguyab siya og balik ni Cathy bisan gibasura ang iyang gugma niini sa dihang nag-istar pa sila kaniadto sa PBB house.
Tungod ni La Greta, storycon wa mahinayon
Wala mahinayon ang storycon last Friday sa Magkaribal, ang ABS-CBN soap nila ni Gretchen Barreto, Bea Alonzo ug Derek Ramsay. Walay rason nga gihatag nganong wala mahinayon ang storycon, pero nagduda ang mga himantayon nga gumikan gihapon kini sa pag-walkout ni La Greta sa iyang presscon niadtong milabay nga semana, gumikan sa mga pangutana kabahin niya ug sa iyang manghod nga si Claudine Barreto...
- Latest
