Ricky Lo hindi natanggihan ang offer ng TV5
Tinanggap na ni tito Ricky Lo ang offer ng TV5. Yup, kasama na siya sa maraming TV host na malapit nang mapanood sa mga ilulunsad na mga bagong programa ng TV5. Malamang na sina Ryan Agoncillo at Georgina Wilson ang makasama niya sa isang show. “Maganda ang offer eh,” say ng isang malapit kay Tito Ricky kaya hindi ito na-resist ng Startalk co-host at entertainment editor ng Philippine Star.
* * *
How To Live Longer?
Paano nga ba mabuhay ng matagal?
Ito ang bagong libro ni Dr. Willie T. Ong na madalas nating mapanood sa mga health related shows ng ABS-CBN at isang kolumnista ng Pilipino Star NGAYON at Philippine Star.
Marami tayong matututuhan sa nasabing libro na ang aming presidente at CEO na si Mr. Miguel Belmonte ang nagsulat ng Foreword.
Malaking tulong ito lalo na sa mga nagtatrabaho maghapon.
Narito ang ilang importanteng nakapaloob sa How To Live Longer. Read ninyo:
Mag-relax. Magbawas ng stress sa buhay.
Suriin ang iyong vitamins at supplements – Ang pinakamagandang supplement ay ang Omega-3 fish oil.
Magdasal.
Magpabakuna.
Umiwas sa alak. Masama ang alak kapag sobra sa kalahating basong wine o isang shot ng hard drinks.
Magpatingin sa magaling na doktor.
Mag-ehersisyo.
Mag-asawa o magkaroon ng kasama sa buhay.
Mag-isip ng positibo (Positive thinking).
Tumulong sa kapwa.
Umiwas sa bisyo at peligro.
Mag-ipon ng pera.
Kumain ng prutas.
Kumain ng matatabang isda tulad ng sardines, tuna, salmon, at mackerel.
Kumain ng maberdeng gulay.
Magpapayat. Alamin ang inyong tamang timbang at piliting maabot ito.
Uminom ng Aspirin kung kailangan.
Uminom ng gamot sa altapresyon at diabetes.
Itigil ang sigarilyo.
Hmmm, maraming dapat malaman.
Para sa karagdagang paliwanag at payo, buy kayo ng libro ni Dr. Ong na available na sa lahat ng National Bookstore outlets.
Isa si doctor Ong sa pinakamabait na doctor na nakilala ko. Very down to earth siya at marunong makisama na isang importanteng factor para mabuhay ng matagal.
Importante ang mga ganitong libro lalo na ngayong stressful ang bawat araw sa ating buhay.
Anyway, bukod sa kawanggawa at pagsusulat ng libro, meron ding radio program si Dr. Ong kasama ang asawa niyang si Dra. Liza na isa ring napakabait na tao. Ang nasabing public service health show ay maririnig sa DZRH, every Saturday 5:00 to 5:30 p.m. na pinamagatang Doc On Call.
Tinatalakay nila sa nasabing programa ang interesting health related topics at nag-iimbita rin sila ng mga specialist doctor para magbigay ng mga mas malalim na paliwanag sa mga topic para sa mga nakikinig.
Nagpapasalamat din sina doctors Willie and Liza na binigyan sila ng pagkakataong maging kabahagi ng DZRH ni Mr. Joe Taruc.
- Latest
