Mga laraw ni Kuya Germs sa industriya

Mapasigarbuhon si German Moreno sa dakong litrato nga nahimutang na karon sa lobby sa Manila Grand Opera Hotel (Manila Grand Opera House kaniadto). Malipayon siya sanglit nalakip ang iyang litrato sa mga sikat nga ngalan nga nagsugod sa MGOH kaniadto sama nila ni Pilita Corrales, Gloria Romero nga kanunay modala sa papel ni Virgin Mary sa tanang Lenten presentation sa nahisgutang sinehan, Dolphy nga unang migawas sa teatro ug daghan pang beteranang artista.

Niya pa sa MGOH pod gi-blow-out ni Vice Mayor Isko Moreno ang mga bag-ong napiling opisyales sa PMPC human gi-induct sa opisina sa miaging semana sa Manila City Hall.

Sa laing bahin, naninguha si Kuya Germs nga i-revive ang Metropolitan Theater aron adto na ipahigayon ang mga concerts ug stage plays na sa pagkakaron walay permanenteng lugar asa ipasundayag. Mahimo pod diri ipahigayon ang mga awards nights.

Karylle ug Echo in due time

Puros ngisi lang ang tubag ni Karylle sa pangutana mahitungod sa nagkaduol nga Valentine’s Day. Hinuon, matud pa ni Kuya Germs kinsa dunay kolum sa Pilipino Star Ngayon, sayo pa kaayo nga makakita si Karylle og lain o maalim ang nabuak niyang dughan. Daghan na siyang nadungog nga balita nga daghan na ang nagpakita ni Karylle og affection sama ni Jericho Rosales. Wala siya’y nakit-ang sayop niini sanglit pareho silang single ug gikan pa sa usa ka failed relationship. In due time, aduna pay chance ang duha.

Kuya Germs: Atangan gyud ang When I Met You

Adunay nakasulti kang Kuya Germs nga nindot ang movie nila ni Richard Gutierrez ug KC Concepcion nga When I Met  U, busa tambag niya sa katawhan nga atangan ang maong pelikula ilabi na nga nagkaduol na ang Valentines Day.