"Gullas" gibundak ni Van

Gipanalipdan si Pinoy Dream Academy Season 2 scholar Van Rojas sa iyang kampo batok sa mga pagsaway nga gibato ngadto niini human niya ibundak ang ngalan ni Representative Eduardo Gullas sa iyang pagpasalamat nga gidapit siya nga mokanta sa 29th Cebu Pop Music Festival niadtong Biyernes. Mibagting ang dunggan sa pipila tungod kay yano rang miingon si Van nga nagpasalamat siya ngadto ni “ Eduardo Gullas.” Pero ang iyang kampo miingon nga angay kining pasensyahan na lang kay bata pa.

GMA-7 gigamit ra ni Diet?

Giklaro ni Ms. Wilma Galvante, Senior Vice President for Entertainment sa GMA-7 nga si Diether Ocampo ang miduol niya ug mitanyag sa iyang serbisyo. Pahiyom lang ang gitubag ni Galvante sa pangutana kung wala ba sila magamit ni Diet tungod kay duna naman kini umaabot nga show sa ABS-CBN ug dili na mahinayon og layat paingon sa GMA-7.

Sexbomb mo-perform sa fight ni Pacman

Gitin-aw na ni Sexbomb Rochelle Pangilinan nga dili tinuod ang tsismis nga siya maoy bag-ong “apple of the eye” ni Pambansang Kamao Manny Pacquiao. Samtang gibutyag niya nga under negotiation sila karon aron mo-perform ang Sexbomb sa umaabot nga away ni Pacman sa Las Vegas karong Mayo.

Pastor ang uyab ni Rica

Pastor sa Victory Christian Fellowship sa The Fort, Taguig City ang uyab ni Rica Peralejo nga si Joseph Bonifacio. Nasayran nga gawas sa Umagang Kay Ganda ug sa iyang pagtuon, aktibo si Rica sa mga kalihukan sa ilang simbahan.    

Part 3 sa Tanging Ina July sugdan

“Anak Ka Ng Ina Mo” ang working title sa part 3 sa Tanging Ina nga bidahan gihapon ni Ai-Ai delas Alas, diin sa Hulyo matud pa ni direk Wenn Deramas masugdan ubos sa Star Cinema gihapon. Niining higayong, mga OFW na ang papel nila ni Ai Ai ug Eugene Dominggo. (Ryan Mark)