No Show: Pokwang ug Fiesta Mall ang biktima

Ay naku naku naku naku naku! Maloka ko sa mga issues here there and everywhere mga kahugyawnatics, kapamilya, ug mga kabonding! Usa na ka semana ang milabay, nakugang sa mga panghitabo ang usa ka booking agent, handler, artista, producer-organizer, marketing officer ug 100 nga audience nga nagpinaabot makit-an lang ang ilang idolo! Pwes, akong gikahinabi ang ubang people involved kung unsa gyud ang nahitabo! Hahaahahahahah! Kaloka! Kung kinsa sila, atong tagsa tagsaon!!!

Dapat gikan sa airport, derecho na sila sa hotel para may I rest usa ang komedyanteng si Pokwang sa iyahang hotel apan midiskarte ang organizer producer nga gihanganlan og Aileen Señoran: “Mag-lunch muna tayo sa Sunburst sa Gaisano Grand Fiesta Mall.” Ug midugang kini sa pag-ingon,“Pokwang, mag wave ka lang kasi may mga fans na naghihintay sa iyo doon.” Pwes naglinya si Pokwang og, “Ay cge mag wi-wave tayo ng bongga-bongga ate!” 

Pero pag-abot nila nahibulong si Pokwang, si Jurey Mirafuentes nga maoy booking agent ug si Smile nga handler ni Pokwang sa Star Magic nga dili lang basta basta noakan ang naa didto! Happy Fiesta! Lunch with the press pala ititch! With matching tables, chairs, microphone ug siyempre mga beautiful press people. Pero game gihapon si Pokwang nga mitubag sa mga questions bisan pa og wala kaayo siya ganahi sa ubang pangutana. Ay mga kabonding, wala nako ma-carry ang diskarte sa maong producer! Kaloka!

Mas mitodo pa mga kabonding, kay naa pa gyud diay scheduled afternoon show si Pokwang nga himoon matud pa didto sa maong mall! Mao matud pa ni sabot nila ni Aileen ug ni Mars Cabildo, Marketing officer sa Fiesta Mall nga maoy nag imbetar sa mga taga ABS-CBN para mo-perform. Hmmm..... Pero sa dihang gihangyo ni Aileen si Jurey nga maoy ni book ni Pokwang, wala gyud diay sa sabot nga naa pay kulukadidang pang himoon si Pokwang aside from the concert sa Aznar Sports Complex. “Wala sa kontrata namin yan, walang kinalaman si Jurey sa nangyari. Si Pokwang, kung anung nasa kontrata, ginagawa nya ng bonggang-bongga yan, kahit nga may sakit,” say ni Smile ngadto sa Banat Hugyaw!

Chika pa ni Mars nako nga sa gisugdang mall show, nagsige na og announce si Joey Flordeliz—nga maoy ni host sa pre-show— nga miabot na si Pokwang ug hapit na nilang makita ang ilang idolo maong daghan ang nadismaya ug nagyawyaw sa dihang mitungtong sa stage si Aileen ug mi-lenggua nga di makaya ni Pokwang kay yopak (kapoy) ang lawas sa komedyante! Saon gyud!? Walay kwenta ang mga posters, tarpaulins ug uban pang mga colaterals nga mubalor og pila ka libo para ma advertise lang ang maong mall show unya wa diay! Di ba kakaloka?

Dismayado ang mall kay mihatag diay sila og P15, 000 ngadto ni Aileen isip bayad sa pagtekang ni Pokwang alang sa giingong show. Pero Sabado pa lang sa gabii nagduda na si Mars nga dunay hokus-pokus tungod kay nianang pagkahapon gihangyo siya ni Aileen nga tabangan og hangyo ngadto ni Jurey aron mokanta si Pokwang didto sa mall. Nahibulong si Mars nganong kinahanglan pa nilang mohangyo nga duna man silay gibayad. Nasayran nga hasta ang mga producers sa concert naglibog nganong dunay mall show nga sa kontrata nga gipirmahan ni Jurey tali sa Star Magic ug giapod-apod sa mga natungdan, walay nalatid nga ingon niini.

Kung ni Tito Boy Abunda pa, bukas ang the Buzz sa panig po ninyo! Pwes, dinhi sa Banat Hugyaw, mag-paabot mi sa side gyud ni Aileen Señoran sa maong issue. Ug sa mga upcoming producers dinha dapat klaro gyud ang kontrata, dili lang kay pinaagi sa text o verbal ug labaw sa tanan tamdan gyud ang kontrata and let things go with the flow! Saun gyud!!!!