Kambal ni Aga, artista na rin!

Mai-in love kayo sa kambal ni Aga Muhlach na sina Andres at Atasha kapag napanood n’yo sila sa Christmas commercial ng Jollibee. Obvious na magiging artista sila, ito naman ay kung payagan sila ng kanilang mga artistang magulang.

At their age, 5 years old, maganda nilang nai-portray ang dalawang bata na nag-uusap na kung saan ay tinatanong ni babae si kapatid na lalaki kung ano ang wish niya para sa Pasko, and the little boy answered in English na wala na siyang pwedeng hilingin pa dahil may mga magulang sila na tulad nina Aga at Charlene.

Ang cute talaga! Di ako nag-inarte pero, parang may dalawang luha na naimbak sa gilid ng mga mata ko.

Sabi ng mga taga-Jollibee na nakausap ko sa launching ng Ma-AGA ang Pasko sa Jollibee, di sila nahirapan na i-motivate ang kambal, lalo na si Andres.

Puring-puri nga nila ang mga bata dahil wala itong mga tantrums at madaling sumunod sa instructions. Kaya naman magandang lumabas ang commercial na magdadagdag ng kasiyahan ng mga bata ngayong Pasko at magpapataas for sure ng benta ng Jollibee ng milya-milya.

* * *

Ngayong Sabado, Disyembre 2, 8NG, may concert si Ogie Alcasid sa Casino Filipino Parañaque (PAGCOR) na pinamagatang Ogie Alcasid Sings His Greatest Hits. Kahit maliit ang venue sa dating pinaglalabasan niya ng concert, mas happy si Ogie dahil kaya niyang abutin maging ang pinaka-malayong manonood niya.

Naalala ni Ogie nang nagsisimula pa lamang siya at nagpu-front act kina Dingdong Avanzado at Randy Santiago. Madalas ay binu-boo siya ng audience dahil wala siyang identity, kung anu-ano na lang ang kinakanta niya.

"Vague ang packaging ko. Nagkaro’n lang ako ng identity after "Nandito Ako". Natuto na akong gumawa ng kanta o mas tama sigurong sabihin na lumakas ang loob kong kantahin yung mga sarili kong songs, at pinakikinggan na ako. Na-appreciate na ng manonood ang pagnanais kong makapag-entertain," ani Ogie whose versatility as a singer, actor, comedian and total performer will be showcased in the concert.

Makakasama ni Ogie sa concert si Lovi Poe.