Manang Rose (209)
May ibinalita si Eliz kay Gino. Nasa restaurant sila at nagdi-dinner. Laging sinusundo ni Gino si Eliz sa pinagtuturuang school. Pagkagaling sa school, kakain sila sa paboritong restaurant.
“Nahanap ko na si Rene—dating boyfriend ni Manang.’’
“Saan?’’
“Sa FB. Sinunod ko ang payo mo. Ang daming lumabas na “Rene” pero nakita ko siya—hindi ako maaaring magkamali.’’
“Talaga? Paano ka naman nakatiyak na siya nga si Rene?’’
“Nag-research ako.’’
“Paanong research?’’
“Di ba nagturo sila ni Manang sa isang private school? Hinanap ko ang school—nakumpirma ko.’’
“Ang galing ah! Para kang NBI.’’
“Gusto ko talaga malaman pa ang love story nila ni Manang.’’
“Nalaman mo apelyido ni Rene?’’
“Oo—Orijola.’’
“Rene Orijola?’’
“Oo. Guwapo siya. Mukhang matalino at hindi siya tipong taksil.’’
“Talaga?’’
“Oo.’’
“Ano ngayon ang sunod na hakbang?’’
“Ipi-friend ko siya.’’
“Tapos?’’
“E di magsisimula na akong magtanong sa kanila ni Manang.”
(Itutuloy)
- Latest